Mani Martin na Kizito Mihigo bahuriye mu ‘Urukumbuzi’ rw’ahahise (Video)

Yanditswe na Uwiduhaye Theos
Kuya 12 Mutarama 2019 saa 10:32
Yasuwe :
0 0

Mani Martin na Kizito Mihigo bari mushinga wo gusubiranamo indirimbo yakanyujijeho mu minsi yo ha mbere ubwo yari akiri mu zihimbaza Imana yise ‘Urukumbuzi’.

Ni indirimbo yashyize izina rya Mani Martin ku rundi rwego ahagana mu 2009 ubwo yasohokaga. Icyo gihe yari mu zikunzwe mu gihugu isabwa mu biganiro hafi ya byose byo ku maradiyo.

Abahimbaza Imana nabo bayifashishaga mu kuyiragiza, biyibutsa ko aheza ari mu ijuru aho bazabana nayo ku munsi utagira uko usa uzira amarira yo mu Isi.

Mani Martin yashyize hanze amashusho ari kumwe na Kizito Mihigo bari kuririmba iyi ndirimbo. Uyu muhanzi yavuze ko bombi basanzwe ari inshuti ariko ko ibyo kuririmba iyi ndirimbo batigeze babipanga ahubwo ko byaje bari gukina igisoro.

Ati “Twahuriye ahantu nk’inshuti bisanzwe dukina igisoro. Tuza kwibuka ko hari igicurangisho tujya muri iyo nganzo gutyo. Katuryoheye ku buryo natwe vuba aha twayisubiramo mu buryo buri classique.”

Aba bahanzi bombi baririmba injyana zisa n’izitandukanye kuko nka Kizito Mihigo yanditse izina mu kuririmba agendeye ku manota anacuranga Piano.

Mani Martin yavuze ko nyuma y’aho Kizito amutunguye akamucurangiye iyi ndirimbo, bombi byabanyuze.

Ati “Ntabwo ari ibintu twapanze gusa inshuro nyinshi iyo abahanzi bahuye birizana nk’uko kose. Cyakora vuba bidatinze dushobora kujya muri Studio tukayikora neza kuko abantu bayakiriye neza ku mbuga nkoranyambaga aho twashyize video turi kiyiririmba.”

Mani Martin ari mu bahanzi bahagaze neza muri iki gihe ndetse aherutse gutangiza inzu ifasha abahanzi bakizamuka yise ‘MM Empire’ . Yashyize hanze kandi indirimbo yise ‘Ndaraye’ igaruka ku mudiho wa kinyafurika aho aba akumbuza abantu ibyiza byo ku ivuko.

Ku rundi ruhande, Kizito Mihigo nawe amaze iminsi mu bikorwa byo kwiyereka abakunzi be aho ari kuzenguruka paruwasi nyinshi aririmba.

Aherutse nawe gushyira hanze indirimbo yise ‘Aho kuguhomba yaguhombya’ yabaye iya mbere nyuma y’imyaka ine yari amaze muri gereza.

Reba hano Kizito acuranga indirimbo ya Mani Martin yise ‘Urukumbuzi’

Kizito aherutse gushyira hanze indirimbo yise Aho kuguhomba yaguhombya

Indirimbo ya Mani Martin igezweho muri iki gihe yayise Ndaraye


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza