Ni amakuru ashingiye ku mashusho Kim Kardashian yashyize kuri Instagram we na barumuna be, Khloé Kardashian, Kylie Jenner bakora ’The Titanic Challenge’.

’The Titanic Challenge’ ni umwitozo umaze iminsi ukorwa n’abakoresha imbuga nkoranyambaga, bashaka kwigana ishusho yagaragaye muri filime ya Titanic, ya Jack na Rose bari ku bwato.

Muri aya mashusho, Kim Kardashian agerageza gukora uyu mwitozo ari kumwe na Khloé ariko ukamunanira. Mu majwi y’aba bamugira inama y’uburyo yawukora neza, humvikanamo n’irya Lewis Hamilton amubwira ati “sunika ushyizemo imbaraga”.

View this post on Instagram

A post shared by Kim Kardashian (@kimkardashian)

Uretse uyu mwitozo, muri aya mashusho bigaragara ko Kim Kardashian n’abavandimwe be baba bari mu byishimo, ndetse Lewis Hamilton akumvikana asekeramo inyuma, ibishimangira ko bombi baba bafitanye umubano wihariye, ndetse wamaze kumenyekana no mu muryango w’uyu mugore.

Lewis Hamilton ukomoka mu Bwongereza na Kim Kardashian ukomoka muri Amerika, batangiye kuvugwa mu rukundo mu minsi mike ishize.

Ni nyuma y’uko bagaragaye basohokanye i Paris mu Bufaransa, ndetse nyuma y’iminsi mike bakarebana umukino wa nyuma wa American Footbal, uzwi nka ‘Super Bowl’.

Lewis Hamilton na Kim Kardashian baherutse kugaragara barebana umukino wa ‘Super Bowl’