00:00:00 IGIHE NETWORK KN KINYARWANDA EN ENGLISH FR FRANCAIS

LeBron James na Drake bajyanywe mu nkiko

Yanditswe na Mahoro Vainqueur
Kuya 8 September 2022 saa 11:12
Yasuwe :

Umukinnyi w’icyamamare muri Shampiyona ya Basketball muri Amerika (NBA), LeBron James n’umuraperi Drake bajyanywe mu nkiko baregwa uburiganya bushingiye kuri filime mbarankuru "Black Ice" bakoze mu 2014 ivuga ku mukino wa Hockey.

Ikirego cyatanzwe na Billy Hunter wahoze ari umuyobozi muri NBA arega LeBron James na Drake avuga ko iyo filime ayifiteho uburenganzira.

Ishingiye ku bikorwa byabayeho kuva 1895 kugeza 1925 muri shampiyona y’umukino wa Hockey ‘Coloured Hockey League’.

Uyu mugabo asaba igice ku nyungu zinjijwe ndetse n’indishyi.

George na Darril Fosty na bo bashyirwa mu majwi nk’abagize uruhare muri iki cyaha kuko bishyuwe ibihumbi 265 by’amadolari bagatanga uburenganzira bwo gufata amashusho kuri kompanyi zashinzwe na LeBron na Drake.

Mu kiganiro yagiranye na New York Post, Hunter avuga ko yari afite uburenganzira kuri uwo mutungo ariko George na Darril bagakora amanyanga yo kuyigurisha atabizi.

Kompanyi za LeBron, The Springhill Company na Uninterrupted Canada na Dreamcrew Entertianment ya Drake kimwe na Fostys’ Stryker Indigo ya George Fosty ziregwa muri uru rubanza nk’izacuruje iki gihangano zitabifitiye uburenganzira busesuye.

Iyi filime "Black Ice" ishingiye ku gitabo cyitwa "Black Ice:The Lost History of the Colored Hockey League of the Maritimes 1895 to 1925" cyanditswe na George Fosty afatanyije na Darril Fosty.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .