00:00:00 IGIHE NETWORK KN KINYARWANDA EN ENGLISH FR FRANCAIS

Kylie Jenner yatandukanye na Travis Scott bucece

Yanditswe na Mahoro Vainqueur
Kuya 8 Mutarama 2023 saa 09:01
Yasuwe :

Umunyamideli Kylie Kristen Jenner yatandukanye n’Umuraperi Travis Scott [Jacques Bermon Webster II] nyuma y’imyaka ibiri bamaze biyunze.

Iyi ni nshuro ya kabiri aba babyeyi bombi batandukanye gusa ubu bahisemo kubigira ibanga bemeranya gufatanya kurera abana babiri bafitanye.

Bivugwa ko Kylie Jenner w’imyaka 25 na Travis Scott w’imyaka 31 bari bateguye kuzasangira ibiruhuko bisoza umwaka 2022 ariko ibi ntibyigeze biba.

Umwe mu nshuti z’uyu muryango yemeje aya amakuru abwira US Weekly ko Kylie Jenner na Travis Scott batandukanye nyuma yo kudasangira ibiruhuko bisoza 2022 binjira mu mwaka wa 2023.

Yagize ati “Kylie na Travis bongeye gutandukana, bari biteguye kuba bari kumwe mu biruhuko, gusa Kylie yabyisanzemo wenyine n’umuryango we. Ubu bemeranyije kuzafatanya kurera abana babyaranye.”

Mu bihe by’ibiruhuko bisoza umwaka wa 2022, Kylie Jenner yagaragaye ari kumwe n’abarimo Justin Bieber n’umugore we Hailey Bieber, Kendall Jenner na Anastasia Karanikolaou muri Colorado.

Aba bombi bigeze gutandukana mu 2019 gusa bongera kwiyunga mu 2020 bemeranya kubana ku nyungu z’umwana bari bafitanye dore ko Isi yari mu bihe bikomeye bya Guma mu rugo byatewe na COVID-19.

Mu myaka itandatu Kylie Jenner na Travis Scott bari bamaranye babyaranye abana babiri barimo umukobwa w’imyaka 4 bise Stormi Webster n’umuhungu bataraha amazina umaze amezi 11 avutse.

Bivugwa ko aba babyeyi bombi bamaze igihe badahura dore ko batigeze bitabira n’ibirori byo kwizihiza Noheli byateguwe n’umuryango w’aba Kardashian uvukamo Kylie Jenner.

Kylie Jenner na Travis Scott baheruka kugaragara bari kumwe mu ruhame mu ntangiriro z’Ukuboza 2022 muri Miami aho uyu muraperi yari afite igitaramo.

Kylie Jenner yatandukanye na Travis Scott nyuma y'imyaka ibiri bari bamaze biyunze
Kylie Jenner yatandukanye na Travis Scott nyuma yo kudasangira ibiruhuko bisoza umwaka
Bivugwa ko Kylie Jenner yifuzaga gukora ubukwe na Travis Scott ariko uyu muraperi akaba atabikozwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .