#Kwibuka25: Dominic Ashimwe yahaye umukoro abahanzi bagenzi be

Yanditswe na Muvunyi Arsène
Kuya 9 Mata 2019 saa 04:15
Yasuwe :
0 0

Umuhanzi w’indirimbo zo kuramya no guhimbaza Imana, Dominc Ashimwe arasaba abahanzi bose gutanga ubutumwa bwerera imbuto abanyarwanda aho gutanga ubusenya.

Jenoside yakorewe Abatutsi u Rwanda ruri kwibuka ku nshuro ya 25, yagizwemo uruhare n’abantu b’ingeri zitandukanye utibagiwe n’abahanzi.

Urugero rwa hafi ni Simoni Bikindi wahanze indirimbo zashishikarizaga Abahutu kwanga Abatutsi, akaba yari yarakatiwe igifungo cy’imyaka 15.

Mu kiganiro IGIHE yagiranye na Dominic Ashimwe umwe mu bakora indirimbo zo kuramya no guhimbaza Imana, yavuze ko abahanzi bafite imbaraga zo guhindura ibitekerezo by’abantu bityo ko bishobora gusenya mu gihe bakoresheje impano ye nabi.

Yagize ati “Ububasha umuhanzi aba afite ku bamutega amatwi, iyo abukoresheje nabi bugira ingaruka mbi zikomeye, yabukoresha neza bugakiza benshi ndetse bukagira uruhare mu kubaka igihugu cye.”

Yasabye abahanzi kwibanda ku bihangano birimo ubutumwa bwubaka amahoro mu batuye Isi.

Ati “Abahanzi bafite akazi gakomeye kuko bakwiye guhora bitwararika mu bihangano bahanga (umuziki, imivugo, ibishushanyo by’ubugeni, ikinamico n’ibindi) ubutumwa babinyuzamo bukera imbuto nziza ku muryango Nyarwanda n’abatuye Isi muri rusange mu buryo batuma baba umuyoboro mwiza ufasha abantu kubana neza.”

Dominic Ashimwe avuga ko u Rwanda rwabonye umucyo, mu gihe nta wabitekerezaga, bityo ko abanyarwanda bakwiye guhorana icyizere cy’uko imbere ari heza.

Dominic Ashimwe yasabye abahanzi gutanga ubutumwa bwubaka amahoro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza