00:00:00 IGIHE NETWORK KN KINYARWANDA EN ENGLISH FR FRANCAIS

Ku nshuro ya mbere, Rusine agiye gukora igitaramo cy’urwenya cye bwite

Yanditswe na Nsengiyumva Emmy
Kuya 22 August 2022 saa 12:16
Yasuwe :

Rusine Patrick uri mu banyarwenya bamaze kubaka izina rikomeye mu ruganda rwa Comedy mu Rwanda, agiye gukora igitaramo cye cya mbere.

Iki gitaramo byitezwe ko kizaba ku wa 28 Kanama 2022. Uretse Rusine, abandi bazataramira abakunzi be barimo Nkusi Arthur, Clapton Kibonge, Fally Merci, Joshua, Zaba Missedcall na Ambasaderi w’abakonsomateri.

Kwinjira muri iki gitaramo kizabera muri Camp Kigali bizaba ari 5,000 Frw mu myanya isanzwe, 10,000 Frw muri VIP na 15,000 Frw muri VVIP.

Rusine yateguye iki gitaramo nyuma y’imyaka itanu atangiye gusetsa nk’umwuga.

Uyu musore yinjiye mu bijyanye no gusetsa mu 2018 anyuze muri Seka Rising Star, irushanwa ryashakishaga abanyempano bashya bakundaga gutarama mu birori bya Seka Live na Seka Festival.

Rusine wari mu biganza bya Arthurnation, mu 2020 yaje guhura na Clapton Kibonge batangira gukorana muri sinema bahereye muri filime bise Umuturanyi, ariko izina rye ryarushijeho kwamamara ubwo bakoraga iyitwa ’Mugisha na Rusine’.

Biragoye ko muri iyi minsi hari uwategura igitaramo cy’urwenya agasohora impapuro zicyamamaza zitariho Rusine usigaye ari n’umunyamakuru wa Power FM.

Uyu musore ubusanzwe ni umunyeshuri muri Kaminuza y’u Rwanda ishami rya Huye, aho yiga ibijyanye n’imitekerereze ya muntu. Asigaje umwaka umwe ngo arangize icyiciro cya kabiri cya kaminuza.

Rusine agiye gukora igitaramo cye cya mbere
Rusine yatangiriye uyu mwuga muri Seka rising star yazamuraga abanyempano muri Comedy
Muri iyi minsi biragoye kubona ahabereye igitaramo cy'urwenya kitarimo Rusine
Kuri ubu Rusine asigaye ari umunyamakuru wa Power FM

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .