Rwandan Best Dance Crew Competition ni irushanwa rigiye gutangizwa bwa mbere muri Afurika rihereye i Kigali mu Rwanda mu rwego rwo kwerekana impano yo kubyina.

Kuri iki Cyumweru, guhera saa munani z’amanywa kuri Stade Ntoya y’i Remera, nibwo hatangizwa bwa mbere kumugaragaro uko irushanwa rizagenda nuko rizakorwa ari nako amatsinda abyina yiyereka abakunzi bayo abinyujije mbyino.

Amarushanwa nk’aya asanzwe amenyerewe ku mugabane wa Amerika.

Abateguye aya marushanwa batangarije IGIHE ko abifuza kuzayagaragaramo basabwa kwiyandikisha mu ishyirahamwe ry’ababyinnyi bo mu Rwanda.

Amatsinda amaze kwiyandikisha harimo: Jabba Junior, Sick City Entertainment, Krest Gang, Machinal Crew, Snipers Crew, Phantoms, Spartans Crew, Br8t Fantasy Crew, Beet Street, T-Layers Entertainment, Heart Throbz,Young masters, Dance Nation n’abandi.

Aya marushanwa yatewe inkunga na SUMSUNG.