Nicole Nérêt, wamamaye nka ‘Princess Lover’ uzwi cyane mu ndirimbo ‘Mon soleil’, yageze i Kigali mu gitondo cyo kuri uyu wa 12 Gashyantare 2026 ahita ajyanwa kuri ‘Mövenpick Hotel Kigali’ kuruhuka mbere y’uko akomeza imyiteguro ye.

Uyu muhanzi yatumiwe mu gitaramo cyiswe “Charmes de St. Valentin” kizabera muri iyi hoteli.

Ku bashaka kucyitabira, imiryango ya hoteli izafungura guhera Saa Kumi n’Ebyiri, abazahasohokera bagire umwanya wo gufata icyo kunywa no kwinjira neza mu birori bya St. Valentin mbere y’uko igitaramo gitangira.

Amakuru IGIHE yamenye ni uko Princess Lover yagombaga kugera i Kigali mu ijoro ryo ku wa 11-12 Gashyantare 2026, icyakora ageze muri Kenya indege itindaho bituma ararayo mbere y’uko agera mu Rwanda, mu gitondo cyo ku wa 12 Gashyantare.

Kidum nawe wamaze kugera i Kigali, yatumiwe mu gitaramo cyo kumurika album ‘Inganzo ntahangarwa’ ya Yvan Muziki kizabera muri Kigali Universe ku wa 13 Gashyantare 2026.

Uretse Kidum, iki gitaramo cyatumiwemo abandi bahanzi nka Massamba Intore, Marina, Jules Sentore n’Itorero Inyamibwa.

Igitaramo cya Yvan Muziki ndetse n’iki cyatumiwemo Princess Lover ni bimwe mu bitegerejwe n’abatari bake mu bakunzi b’umuziki b’i Kigali bifuza kwizihiriza ‘St Valentin’ mu birori.

View this post on Instagram

A post shared by IGIHE (@igiheofficial)

View this post on Instagram

A post shared by IGIHE (@igiheofficial)

Kidum ni umwe mu bazaririmba mu gitaramo cyo kumurika album 'Inganzo Ntagereranywa' ya Yvan Muziki

Princess Lover yageze i Kigali aho ategerejwe mu gitaramo kizatanga ibyishimo ku bakundana

Kidum yageze i Kigali yakirwa na Yvan Muziki wari kumwe n'inkumi zamutwaje indabo zo kumuha ikaze

Princess Lover yageze i Kigali ubona afite akanyamuneza mu maso

Princess Lover yavuye i Kigali ahita ajya mu modoka imwerekeza kuri hoteli ‘Mövenpick'