Abinyujije ku rukuta rwe rwa Instagram, Kate Bashabe yagize ati “Mama nabikoze, nujuje inzu yanjye bwite.”

Nyuma yo kwishimira iyi nzu ye, Kate Bashabe yashimiye sosiyete y’ubwubatsi yamufashije kuyubaka.

Iyi nzu nshya ya Kate Bashabe yubatse ku musozi wa Rebero mu Mujyi wa Kigali aho ndetse uyu munyamideri asigaye atuye.

Kate Bashabe muri iyi minsi azwi cyane kubera inzu icuruza imyenda yise ‘Kabash Fashion’.

Mu 2010 nibwo izina Kate Bashabe ryatangiye kumenyekana ubwo yegukanaga ikamba ry’ubwiza ryari ryateguwe na MTN Rwanda.

Kuva icyo gihe Bashabe yatangiye ibikorwa by’ubucuruzi butandukanye kugeza mu 2013 ubwo yatangizaga inzu ye y’imideli yise ‘Kabash Fashion House’.

Inzu Kate Bashabe yujuje ku musozi wa Rebero

Inzu ya Kate Bashabe yubatse mu gashyamba gatuma abona umuyaga uturuka mu biti by'inturusu

Ni inzu iri ku musozi wa Rebero aho uyirimo aba yitegeye Umujyi wa Kigali

Uyirebeye ku rundi ruhande, inzu ya Kate Bashabe yubatse mu buryo bugezweho

Kate Bashabe yamurikiye abamukurikira inzu yujuje mu Mujyi wa Kigali

Ni inzu yubakishije ibikoresho bigezweho mu bwubatsi

Kate Bashabe yanyuzagamo agafatanya n'abafundi imirimo yo kubaka inzu ye

Kate Bashabe afatira agafoto ku nzu ye yujuje mu Mujyi wa Kigali

Kate Bashabe ni umushabitsi w'umunyamideli ufite izina rikomeye