Nyuma yo gusomanira ku rubyiniro, Juno Kizigenza aganira n’abanyamakuru yavuze ko yabitewe n’uko yari yishimye, ati “Ni uko twari twishimye.”

Ku ruhande, Ariel Wayz we aganira na The New Times abajijwe ku gusomana na Juno Kizigenza, yavuze ko nta kidasanzwe kuko inshuti z’akadasohoka ‘Best friend’ zishobora gusomana.

Ubwo yari ku rubyiniro, Juno Kizigenza yateye indirimbo ‘Away’ yakoranye na Ariel Wayz maze uyu mukobwa wari umaze gutaramira abakunzi be yongera gusubirayo bafatanya gususurutsa Abanyarwanda.

Uko indirimbo yaganaga ku musozo ni ko bagendaga babyinana imbyino ubona ko bitozanyije barangije Juno Kizigenza yegera Ariel Wayz amusoma umunwa ku wundi.

Juno Kizigenza yavuze ko yasomye Ariel Wayz kuko bari bishimye

Ariel Wayz we yavuze ko nta gitangaje kirimo kuba abantu b'inshuti z'akadasohoka basomana