Nubwo iyi kipe itashyizwe ku isoko , umuhanzi akaba na rwiyemezamirimo Shawn Corey Carter (Jay-Z) nyiri Roc Nation na Jeff Bezos nyiri Amazon, bageze kure ibiganiro bibaganisha kugura iyi ikipe yo mu mujyi wa Washington ikaba ikinira mu mu itsinda ry’Uburasirazuba.

Nubwo Jay-Z na Jeff Bezos bataragira icyo bavuga kuri iyi gahunda ,Tina Knowless, umubyeyi wa Beyoncé yagarutse kuri aya makuru avuga ko afitiye icyizere gikomeye aba bagabo.

Aganira na TMZ Sports yagize ati: "Ndabizi ko ikintu cyose bashyize mu mu ntekerezo zabo, bashobora kugikora neza".

Mu ntangiriro z’Ugushyingo, Jeff Bezos mu kiganiro yahaye TMZ Sports yabajijwe kuri iyi gahunda ntiyahakana cyangwa ngo yemeze aya makuru.

Yasubije agira ati “Nibyo, numvise ayo makuru. Nakuriye i Houston muri Texas, kandi nakinnye iyi mikino nk’iri umwana ndetse niwo mukino nkunda, mureke dutegereze turebe uko bizagenda.”

Dan Snyder nyiri iyi ikipe ya Washington Commanders, aherutse gutangaza ko kuyigurisha bishobora gutwara hafi miliyari 7$.

Synder ntavugwaho rumwe muri iyi minsi dore ko mu 2020 hari inkuru zasohotse muri Washington Post zivugwamo abagore 40 bahoze bamukorera, bamushinja ko yabakoreye ihohoterwa rishingiye ku gitsina we n’abandi bagabo bamukorera.

Kubera ibi birego byogeye kubyutswa muri uyu mwaka , bivugwa ko aribyo biri gutuma ashaka uko yagurisha iyi kipe kugira ngo itazagerwaho n’ingaruka z’ibi birego.

Jeff Bezos akunze kwitabira imikino y'iyi kipe

Jay-Z ubwo yari yitabiriye umukino wa Washington Commanders

Abafana ba Washington Commanders ntibishimiye Dan Snyder nyiri iyi kipe