Mu butumwa uyu muraperi uri mu bamaze igihe mu muziki yatambukije kuri X, yavuze ko gahunda ayigeze kure yo kubaka ishuri rizafasha abana.

Yagize ati "Ndi no kubaka ishuri muri Ghana, sinjye uzarota ngiye kuritangiza. Rule akunda abana.”

I’m also building a school in Ghana can’t wait to go and break ground… Rule love the kids!!! 🧡☀️🌅

— Ja Rule (@jarule) January 4, 2024

Jeffrey Bruce Atkins Sr. wamamaye nka Ja Rule mu muziki, atangaje ko ari kubaka ishuri muri Ghana, nyuma y’iminsi ahishuye ko yasinye amasezerano ahagaze asaga miliyoni $100 n’inzu ireberera inyungu z’abahanzi atifuje guhishura amazina.

Ja Rule w’imyaka 47 yiyongereye ku rutonde rw’abahanzi barimo Lil Johns, Michael Jackson n’abandi, bubatse amashuri ku Mugabane wa Afurika mu bihugu bitandukanye.

Ja Rule umaze imyaka irenga 30 mu muziki, azwi cyane mu ndirimbo zirimo "Mesmerize’’, "Clap Back", "It’s Murda", "New York" n’izindi.

Umuraperi Ja Rule agiye kubaka ishuri ryo gufasha abana muri Ghana

Ja Rule asanzwe ari umwe mu baraperi bubashywe muri Leta Zunze Ubumwe za Amerika