Itorero Inganzo Ngari ryatumiwe mu iserukiramuco rizabera i New York

Yanditswe na Muvunyi Arsène
Kuya 21 Mata 2019 saa 08:12
Yasuwe :
0 0

Itorero ry’imbyino gakondo Inganzo Ngari ryatumiwe mu iserukiramuco nyafurika ry’imbyino rihuza abanyafurika baba muri Amerika rizwi nka Africa Dance Festival.

Urubuga rw’ikigo cy’umuziki cya Brooklyn Academy of Music ari cyo kizaberamo iri serukiramuco, cyatangaje ko muri uyu mwaka wa 2019 Itorero Inganzo Ngari ryo mu Rwanda ari ryo rizasusurutsa iserukiramuco ry’imbyino nyafurika.

Itorero Inganzo Ngari rifite ibigwi mu mbyino gakondo rizamara iminsi ine ryereka abanyafurika n’abandi batuye muri Amerika uburyohe bw’umuco nyarwanda mu mishayayo, ikinimba, igishakamba, imirishyo y’ingoma n’ibindi bitandukanye. Bazatangira tariki 24 Gicurasi basoze tariki 27.

Ni ku nshuro ya 42 iri serukiramuco rizaba ribaye. Ryagiye ryitabirwa n’amatorero atandukanye yo mu bihugu bya Afurika yerekanye imbyino zo mu muco wabo gakondo.

Mu mwaka ushize iri serukiramuco ryasusurukijwe n’itorero ryitwa Ingoma KwaZulu-Natal ryo muri Afurika y’Epfo.

Uretse imbyino iserukiramuco rya Dance Africa riba riberamo inama, n’amasomo atandukanye byose bigaruka ku muziki n’imbyino.

Intore z'Inganzo Ngari zizerekana imihamirizo nk'umwihariko w'imbyino nyarwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza