00:00:00 IGIHE NETWORK KN KINYARWANDA EN ENGLISH FR FRANCAIS

Israel Mbonyi yashimishije abakunzi be bo mu Bubiligi mu gitaramo cyitabiriwe na Burugumesitiri wa Bruxelles (Amafoto)

Yanditswe na Nsengiyumva Emmy
Kuya 9 June 2024 saa 09:42
Yasuwe :

Mu gitaramo yakoreye mu Bubiligi, Israel Mbonyi wakiriwe ku rubyiniro na Burugumesitiri wa Bruxelles witwa Philippe Close, yahaherewe igihembo yashyikirijwe na Team Production yamutumiye ashimirwa kuba ariwe muhanzi wo muri Afurika y’Iburasirazuba ukunzwe i Burayi.

Ibi byabereye mu gitaramo Israel Mbonyi yakoreye mu Bubiligi mu ijoro ryo ku wa 8 Kamena 2024 cyitabiriwe ku rwego rwo hejuru.

Ni igitaramo cyitabiriwe n’abatari bake bari bakubise buzuye icyumba cy’inyubako izwi nka Docks cyangwa ‘Dome Events Hall’.

Ni igitaramo cyanyuze abatari bake bitabiriye bafatanyije na Israel Mbonyi kuramya no guhimbaza Imana mu ndirimbo z’uyu muhanzi ziganjemo izakunzwe bikomeye.

Israel Mbonyi yari asubiye mu Bubiligi nyuma y’uko umwaka ushize nabwo yahakoreye igitaramo cyabereye mu cyumba kiri mu nyubako izwi nka Birmingham Palace nabwo icyo gihe abantu bakaba barakubise barahuzura.

Nyuma yo kuva i Burayi, Israel Mbonyi agomba guhita ataha mu Rwanda agakomeza imyiteguro y’ibitaramo afite yaba muri Kenya no muri Uganda, aho agomba gutaramira muri Kanama 2024.

Mbere yo kwinjira buri wese yabanzaga kwerekana itike ye
Ku muryango abantu batangiye kwinjira hakiri kare
Abazindutse bafashe ibyicaro byiza
Burugumesitiri wa Bruxelles (wambaye ishati y'umweru) ari mu bari bicaye imbere mu gitaramo Israel Mbonyi yakoreye mu Bubiligi
Israel Mbonyi yacyuye igikombe cy'umuhanzi wa mbere ukunzwe i Burayi mu baturuka mu Karere ka Afurika y'Iburasirazuba
Justin Karekezi Umuyobozi wa Team Production yatumiye Israel Mbonyi yamushimiye kuba ari we wa mbere ukunzwe i Burayi mu baturuka muri East Africa
Israel Mbonyi yatanze ibyishimo ku bakunzi be
Hari aho yageze akanyuzamo akicurangira
Peace Hoziyana ari mu Bubiligi aho yagiye gufasha Israel Mbonyi mu gitaramo cye
Aline Gahongayire yatunguranye mu gitaramo cya Israel Mbonyi
Aline Gahongayire na Peace Hoziyana ubwo bataramiraga abitabiriye igitaramo cya Israel Mbonyi
Israel Mbonyi yagize umwanya uhagije wo gutaramana n'abakunzi be
Israel Mbonyi yafatanyaga na Peace Hoziyana ku rubyiniro
Ubwitabire bwari hejuru muri iki gitaramo
Ubwinshi bw'abitabiriye iki gitaramo bwatumye benshi bibaza aho bazajyana igitaramo cy'uyu muhanzi nasubira mu Bubiligi
Ahabereye igitaramo hari hakubise huzuye

Amafoto: Rutayisire Jessica


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .