Ishuri rya Nyundo rigiye kongerwamo amashami yo kubyina na filime

Yanditswe na Nsengiyumva Emmy
Kuya 9 Gashyantare 2020 saa 02:39
Yasuwe :
0 0

Ishuri ryo ku Nyundo ryamenyekanye cyane mu kwigisha amasomo ya muzika ryatangaje ko rigiye gufungura andi mashami arimo kwigisha gukina filime no kubyina.

Hambere aha, kumva hari umuntu uhingutsa ko mu Rwanda hari ahantu ho kwigira umuziki bya kinyamwuga ntibyashobokaga, iyo wabazaga umuhanzi aho akomora impano ye yasubizaga ko yayivomye muri korali cyangwa ari ingabire akomora kuri Rurema. Gusa kuri ubu hari umubare w’abatari bake bavuga ko ubuhanga bwabo babukomora mu ishuri rya muzika rya Nyundo.

Nyuma yo guha ubumenyi abanyamuziki, kuri ubu ubuyobozi bw’ishuri ryigisha umuziki ku Nyundo bwamaze kwemeza ko bugiye kongera amasomo ahigirwa hakongerwamo irya gakondo,kwandika no gukina filime n’amakinamico ndetse no kubyina.

Murigande Jaques [Mighty Popo] uyobora iri shuri yagize ati “Uyu mwaka isomo rya gakondo, kwandika no gukina filime turatangira kubyigisha. Umwaka utaha kwandika no gukina amakinamico kimwe n’isomo ryo kubyina bizatangira kwigishwa nabyo mu rwego rwo kungura ubumenyi butandukanye abashaka kwiga ibijyanye n’imyidagaduro.”

Kugeza ubu iri shuri rimaze gutanga ku isoko ry’umurimo abize umuziki barenga ijana ndetse rifite abanyeshuri barenga 130 bakiri kwigayo.

Iri shuri ryatangijwe mu 2014 ryari risanzwe ryigisha amasomo atandukanye arimo; Piano, kuvuza ingoma, gucuranga ubwoko butandukanye bwa Guitar, Kuririmba [Vocals], uko umuhanzi yitwara ku rubyiniro, gushyira amanota mu muziki, gakondo, kuririmbira muri Korali, kwandika indirimbo, Igifaransa, Icyongereza no gutunganya ibihangano.

Mu bo iri shuri ryatanze bamaze kubaka izina harimo amatsinda y’abacuranzi anyuranye arimo Symphony Band, n’abahanzi banyuranye nka; Yverry, Yvanny Mpano, Igor Mabano, abasore bahoze bahuriye muri Yemba Voice, Karigombe,n’abandi benshi.

Umuyobozi w’ishuri ryigisha umuziki rya Nyundo yahishuye ko hari andi masomo bagiye kongeramo

Mighty Popo, umuyobozi w'ishuri rya muzika rya Nyundo
Mighty Popo nawe ni umuhanga mu gucuranga gitari, hano yerekaga abanyeshuri uko ayicuranga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .