Iki gitaramo cyabaye mu ijoro ryo ku wa Gatandatu, tariki ya 30 Nyakanga 2022 muri BK Arena. Tayc yagihuriyemo n’abahanzi bo mu Rwanda nka Christopher, Kivumbi King na Ruti Joel, mu gihe Dj Toxxyk yavangaga imiziki.

Ni igitaramo cyaranzwe n’ubwitabire bwo hejuru, kuko ugereranyije abari bitabiriye babarirwa hejuru y’ibihumbi bitanu, bari biganjemo urubyiruko rurimo abakobwa bari babyambariye.

Ingingo ikomeje kurikoroza ku mbuga nkoranyambaga ni ijyanye n’imyambarire, yagaragaye cyane ku bakobwa b’urubyiruko n’abasore bagaragaye birekuye.

Babyinnye karahava, barasabana, ari nako bica icyaka dore ko icyo kunywa cyari munangi babifashijwemo n’Uruganda rwa Skol Brewery rwacuruzaga inzoga ya ’Skol Pulse’.

IGIHE yatoranyije amwe mu mafoto yafashwe n’itsinda ry’abanyamakuru bafotora arimo menshi abantu batigeze babona ndetse n’ayo babonye akomeje gukwirakwizwa ku mbuga nkoranyambaga.

Inkumi z'i Kigali zari zabukereye

Abitabiriye iki gitaramo bari bateguye...

Abibuka ikanzu Rihanna aheruka guserukana atwite...

Yaciye impaka kubera imyambarire yaserukanye!

Gahunda yari ugukaraga umubyimba, ibindi bikazaza ejo

Ni nako bagendaga bashyira amashusho kuri Snapchat n'izindi mbuga nkoranyambaga...

Umuziki bawukase biratinda...

Iki gitaramo cyafashije benshi guhuza urugwiro

Uyu muziki wari wiganjemo Igifaransa, ariko urubyiruko rwerekanye ko imirongo yose ruyisobanukiwe

Uretse abato, n'abakuru bizihiwe biratinda

Buri wese yari yarimbye mu buryo bwe...

Yakase umuziki biratinda, akagenda asoma no kuri ka Smirnoff

Urubyiruko rwataramye bishyira kera

Uyu mwari yari yatwawe cyane

Ibyishimo byari byabasaze...

Buri wese yambaye uko abyifuza, cyane ko muri BK Arena nta mbeho yaharangwaga

Abato, abakuru, nta wari watanzwe

Buri wese yabyinaga uko abyumva

Abakobwa bamwe bagize amahirwe yo guhobera Tayc ku rubyiniro, ibyishimo biba byose

Iyi nkumi yambaye umwenda ugaragaza ijambo 'Fearless' mu bitugu, bisobanuye kutagira ubwoba

Umukunzi we ntabwo yari kwicwa n'inyota dore ko yari amaze gukoresha imbaraga nyinshi abyina

Benshi bagendaga bafata amafoto n'amashusho by'urwibutso

Ibyishimo byari hejuru cyane mu gitaramo cya Tayc

Bakase umuziki, bakava hejuru bakagera hasi

Abakobwa baba bateguye...

Tayc yasendereje benshi ibyishimo kuri uyu wa Gatandatu

Yakaraze umubyimba abandi barahengereza...

Imyambaro igezweho bari bayikozeho

Selfie zafashwe biratinda

Tayc yabimburiwe n'umuhanzi Ocevne wo mu Bufaransa

Buri wese aba afite umwifato we!

Kuba ari mwiza byo simbigarukaho...Ubwiza bwahuye n'akanyamuneza ku maso biba mahwi

Imyambarire nk'iyo igezweho. T-shirt igeretseho ishati nini by'umwihariko iza karokaro ziharawe n'abazi kurimba bigezweho muri Kigali

Yasaga n'uri mu bicu kubera uburyohe bw'umuziki

Iyo umuziki waryoshye burya buri wese abyina ukwe kandi akizihirwa

Byose bikorwa mu rukundo

Yanyuzagamo akaganira na mugenzi we. Ati "Urabona ko igitaramo cyaryoshye!!"

Imyambarire ni ntamakemwa

Abanyabirori b'i Kigali bo bari babukereye. Buri wese yari yakoze ku kenda kajyanye n'icyari cyamujyanye

Ibyishimo byari hejuru cyane mu bitabiriye igitaramo

Iki ni kimwe mu bitaramo bibereye muri BK Arena, byagize ubwitabire bufatika

Inshuro nyinshi, abafana babaga bari mu bicu

Amafoto: Igirubuntu Darcy