Impanuro za Mama Nick wo muri City maid ku bakobwa batarashaka

Yanditswe na Ishimwe Alain
Kuya 12 Nzeri 2020 saa 10:06
Yasuwe :
0 0

Mukakamanzi Beatha, umaze kumenyakanya cyane muri sinema y’u Rwanda kubera ubuhanga bwe mu gukina filimi, by’umwihariko akaba azwi cyane mu yitwa City maid inyura kuri Televiziyo y’Igihugu.

Mukakamanzi yakinnye muri Filimi nyinshi nk’Inzozi ariko igezweho ubu abantu benshi bamuzimo ni City maid, aho akirana ari umubyeyi w’umusore witwa Nick.

Muri filimi akunda gukina ari umubyeyi ugira inama abana be kandi akagerageza ku bashyiraho igitsure yirinda ko bagwa mu makosa.

Mu kiganiro Mukakamanzi yagiranye n’imwe muri televiziyo ku wa 10 Nzeri yagarutse kuri Filimi yakinyemo yitwa Inzozi aho yavuze ko “yakinnye ahanura umukobwa we witwa Pascaline amubwira ko nta n’umugabo wananirana.”

Muri iki kiganiro yabaye nk’ukura izi mpanuro muri Filime maze abwira abakobwa batarashaka ko badakwiye kumva ko hari umugabo unanirana.

Yagize ati “Uko byagenda kose nawe mbikubwire niba utari washaka cyangwa niba waranashatse ntihazagire umugabo ukunanira, nakunanira uzaba ubifitemo uruhare.”

Yakomeje avuga ko iyo umugore yihanganiye umugabo agera aho nawe agahinduka.

Ati "Uhaguruka uzi ikikujyanye ukihangana. Ikindi ukorohera wa muntu muri kumwe, iyo umworoheye nawe agera igihe Imana ikamukubita agashyi agakebuka akavuga ati ese ubundi ubu ndi mubiki; n’uko akarekera niba hari n’amakosa yagukoreraga.”

Nubwo ari mu ruhando rwa filimi, Mukakamanzi avuga ko hari ibintu atakwemera gukina birimo nko gukina yambaye ubusa, gukina aryamana n’abagabo ngo kuko bihabanye n’indangagaciro ze. Avuga kandi ko ashimishwa cyane no gukina filime ahanura abantu, abagira inama.

Mukakamanzi Beatha yatangiye kugaragara muri filime akina muri filime zivuga ku mateka ya Jenoside yakorewe Abatutsi, nyuma aza no gukina muri filime nyarwanda zirenga 20 harimo n’izamenyekanye cyane nka City Maid, Inzozi n’izindi.

Mukakamanzi Beatha asaba abakobwa batarashaka kumenya ko bakwiye kuzihanganira abagabo babo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .