00:00:00 IGIHE NETWORK KN KINYARWANDA EN ENGLISH FR FRANCAIS

Impamvu igitaramo cy’abarimo The Ben na Diamond cyagombaga kubera i Washington DC kitabaye

Yanditswe na Peacemaker Pundit
Kuya 27 May 2024 saa 10:44
Yasuwe :

Byari byitezwe ko abahanzi bo muri Afurika barimo abo mu Rwanda batatu, The Ben, Li John na Ony X bagombaga gutaramira i Washington DC muri Leta Zunze Ubumwe za Amerika ku wa 23-26 Gicurasi 2024, icyakora byarangiye iserukiramuco bari batumiwemo risubitswe bitunguranye.

Abahanzi barimo The Ben, Otile Brown, Diamond Platnumz, Innos B, Li John, Ony X, Nandy n’abandi byari byitezwe ko bitabira iserukiramuco ryiswe ‘Colours of The East Festival and Weekender’.

Li John wari mu bahannzi batumiwe yabwiye IGIHE ko Iserukiramuco ryasubitswe nubwo we nta mpamvu yigeze abwirwa.

Yagize ati “Barabisubitse ariko sinzi impamvu.”

Kuwa 23 Gicurasi 2024 ubwo iri Serukiramuco ryari kuba ritangira, The Ben yari i Kigali aho yari yitabiriye ibirori byo kumugira Brand Ambassador w’ikinyobwa ‘Fimbo’ cyengwa n’uruganda ‘NBG Ltd’.

Diamond Platnumz na we wari kwitabira iri serukiramuco amaze iminsi i Burayi mu bikorwa byo kumenyekanisha indirimbo ye igezweho yitwa ‘Komasava’, yakoranye na Khalil Harrison na Chley.

Iki gitaramo cyasubitswe cyagombaga guhuza abahanzi bo muri Afurika y'iburasirazuba
The Ben na Diamond bagombaga kongera guhurira mu gitaramo nyuma y'uko mu mpera z'umwaka ushize bahuriye ku rubyiniro mu birori byo gutanga ibihembo bya Trace Awards

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .