Ku wa 14 Nyakanga ni bwo Perezida Kagame na Madamu Jeannette Kagame bakiriye abahanzi batuye mu Karumuna mu Bugesera, nk’uko yari yabibasezeranyije ku wa 6 Nyakanga 2024, ubwo yiyamamarizaga muri ako Karere.

Nyuma yo kwakirwa na Perezida Kagame akanabagabira inka kuri buri umwe, abahanzi barimo Tom Close, Butera Knowless, Ishimwe Clement na Platini P bari mu bitabiriye iki gikorwa, bifashishije imbuga nkoranyambaga bagaragaza amarangamutima yabo.

Butera Knowless yagize ati “Imvugo ye ni yo ngiro, nta kintu kiryoshye nko kwirahira Perezida Kagame, nzahora nshima!”

Tom Close we akaba yagize ati “Uwampaye ishema, akampa Igihugu, ikiruta ibindi akangabira, ntawe namunganya. Urukundo mukunda, ruzahora ari umwihariko. Nyakubahwa Paul Kagame uri Ingabire twahawe nk’Abanyarwanda. Mwakoze!”

Nel Ngabo we utavuze byinshi yagize ati “Umunsi utazibagirana!”

Platini P we akaba yagize ati “Uwangabiye ,Njye namwitura iki?
Karame na none mwungeri Paul Kagame.”

Ni mu gihe Ishimwe Clement we yagize ati “Imvugo ye ni yo ngiro, tuzahora dushima nyakubahwa Paul Kagame.”

Imvugo ye niyo ngiro, we are forever grateful your excellency @PaulKagame pic.twitter.com/zJDvioIEG4

— Ishimwe Clement (@Clement_kina) July 14, 2024

IMVUGO YE, NIYO NGIRO.

There’s No Bigger Flex Nko Kwirahira His Excellency @PaulKagame

Eternally Grateful 🙏🏾🙏🏾🙏🏾🙏🏾🙏🏾🙏🏾🥹 pic.twitter.com/RHItG0knU6

— Butera Knowless (@Knowless1butera) July 14, 2024

Uwampaye ishema, akampa igihugu, ikiruta ibindi akangabira, ntawe namunganya. Urukundo mukunda, ruzahora ari umwihariko. Nyakubahwa @PaulKagame, uri Ingabire twahawe nk'abanyarwanda. Mwakoze pic.twitter.com/fH8Z7M7bT8

— Tom Close 🇷🇼 (@tomclosex) July 14, 2024

View this post on Instagram

A post shared by BABA (@platiniofficial)

View this post on Instagram

A post shared by Nel Ngabo (@nelngabo)

Ibyishimo ni byinshi ku bahanzi bagabiwe na Perezida Kagame

Buri muhanzi wabonanye na Perezida Kagame yagabiwe inka

Perezida Paul Kagame na Madamu Jeannette Kagame bakiriye abahanzi batuye mu Karumuna mu Bugesera

Bataramye biratinda, umugoroba wasanze aba bahanzi mu rugo rwa Perezida Kagame