Iri serukiramuco rigiye ku nshuro ya kane risanzwe ribera mu Karere ka Musanze rikamara iminsi itatu risusurutsa abakunzi b’umuziki batandukanye baba baryotabiriye.

Ni Iserukiramuco abaritegura bahamya ko baritekereje mu rwego rwo guteza imbere ubukerarugendo kuko abaryitabira yaba abo mu Rwanda n’abo hanze bagira umwanya wo kugera mu Ntara y’Amajyaruguru bakaryoherwa n’umuziki uba uherekejwe n’akayaga gaturuka mu birunga.

‘Volkano Fest’ isanzwe ibera ahitwa Red Rocks Culture Center, Musanze Nyakinama, yatangiye mu 2021 yitabiriwe n’abahanzi barimo Deo Munyakazi, Kaya Byinshii & Deo Salvator, Alyt Mx n’umunya Nigeria Makka.

Bitewe n’uko iri serukiramuco ryatangiye mu gihe Covid-19 ntabwo ryitabiriwe cyane kuko ryagize abagera kuri 200 gusa.

Mu 2022 iri serukiramuco ryitabiriwe n’abahanzi bagera kuri 35 barimo Daddy Cassanova, Miziguruka, Eric 1key, Nina Salim na Umusizi Tuyisenge, mu gihe abaryibiriye bari bazamutse bagera kuri 700.

Mu 2023, iri serukiramuco ryitabiriwe n’abahanzi barenga 60 barimo Bushali, Angell Mutoni, B-Trey na Ezra Kwizera mu gihe abaryitabiriye bo bari bikubye hafi kabiri kuko ryarimo abarenga 1300.

Muri uyu mwaka iri serukiramuco rigiye kumara iminsi itatu ribera mu Ntara y’Amajyaruguru Akarere ka Musanze ahitwa Red Rocks Culture Center i Nyakinama, mu gihe bateganya ko rizitabirwa n’abahanzi bagera kuri 80.

Mu 2021 iri serukiramuco ryahawe ikaze n'ababyeyi b'i Musanze

Abitabiriye iri serukiramuco mu 2021 batashye bishimiye imbeho y'i Musanze

Mu ijoro ry'iri serukiramuco biba ari ibirori bikomeye

Nyuma y'igitaramo abitabiriye iri serukiramuco bagira umwanya bagatarama

Daddy Cassanova yatumiwe muri Volkano Fest yabaye mu 2022

Volkano Fest ni Iserukiramuco ryitabirwa n'abantu baturuka mu bihugu bitandukanye

Bushali ni umwe mu bahanzi batumiwe muri Volkano Fest ya 2023

Iserukiramuco 'Volkano Fest' rigiye kubera i Musanze ku nshuro ya kabiri

Michael Makembe yataramiye abitabiriye iserukiramuco 'Volkano Fest'