Iri serukiramuco nyafurika rimaze icyumweru ribera mu Rwanda, ryahuje abakora filime bo mu bihugu bitandukanye byo muri Afurika, ryari rifite insanganyamatsiko igira iti “Sinema mu kugaragaza ubumuntu”.

Iyi nsanganyamatsiko yatekerejwe mu rwego rwo kwifatanya n’umuryango Nyarwanda, kuzirikana ubumuntu ndetse no kwibuka Jenoside yakorewe Abatutsi mu Rwanda muri 1994.

Iri serukiramuco ngarukamwaka rigamije kumenyekanisha filime nyafurika no kuzikundisha Abanyafurika n’Isi yose muri rusange.

Iry’uyu mwaka ryabaye guhera ku wa 24 kugeza kuri 31 Werurwe 2019 muri Kigali Conference and Exhibition Village, ahazwi nka Camp Kigali.

Uretse kwerekana filime zitandukanye, habayeho gahunda yo gutanga amasomo ajyanye na sinema, ndetse herekanwe zimwe muri filime zakozwe n’abasoje amasomo mu gihe cy’icyumweru iri serukiramuco ryari rimaze, banahabwa icyemezo cy’ishimwe [certificat].

Habayeho guhemba filime n’abakora filime mu byiciro bitandukanye

Gratien Niyitegeka wamamaye muri Filime ya Seburikoko yanamuhesheje igihembo cy’umugabo ukina muri filime y’uruhererekane mu Rwanda, yavuze ko ashimira buri muntu wese wamufashije mu gihe cy’imyaka ine amaze akina muri Seburikoko.

Ati “Ndashimira abamfashije bose imyaka ine ndi muri Seburikoko nanyuze imbere y’abanyobora benshi nabo twakinanye benshi, ndashimira cyane abo dukorana.”

Laura Musanase we wamamaye muri City Maid, yavuze ko yishimye mu buryo bukomeye nyuma yo kwegukana igihembo cy’umugore ukina muri filime y’uruhererekane mu Rwanda, ica ku internet wahize abandi.

Ati “Ntabwo nzi aho natangirira ariko mu by’ukuri ndishimiye kandi ntewe ishema n’iki gihembo, ndashimira buri wese. Nishimiye abo dukinana […] mwarakoze cyane abakoze City Maid muri ishingiro ry’ikintu nagize gikomeye mu buzima.”

Uko ibihembo byatanzwe:

Filime ndende ku mugabane wa Afurika

Indigo ya Selma Balgach/ Morocco.

Filime mbarankuru nziza muri Afurika

Liyana ya Aaron Kopp wo muri Afurika y’Epfo

Filime nziza ngufi muri Afurika

Black Mamba ya Amel /Tunisia.

Filime ndende yo muri Afurika y’Iburasirazuba

Subira ya Ravneet Sippy/Kenya

Filime mbarankuru nziza muri Afurika y’Iburasirazuba

Invisible Labourers ya Anthony Gwaro/Uganda.

Filime ngufi nziza muri Afurika y’Iburasirazuba

Sunday ya Angella Emurwon/ Uganda.

Filime nziza mu Rwanda

Waiting ya Mbabazi Philbert Aime/ Rwanda.

Filime y’uruhererekane nziza mu Rwanda, ica ku internet

City Maid yayobowe na Mutiganda Wa Nkunda.

Ufata amashusho ya filime utanga icyizere cyo kugera kure

Yabaye Bora Shingiro ‘Luna’

Umugore ukina muri filime y’uruhererekane mu Rwanda, ica ku internet

Musanase Laura

Umugabo ukina muri filime y’uruhererekane mu Rwanda, ica ku internet

Niyitegeka Gratien.

Bora Shingiro wegukanye igihembo cy'umuntu ufata amashusho ya filime witwaye neza, uyu afata amashusho ya City Maid

Byari ibyishimo ku bakinnyi bo muri filime ya City Maid na Seburikoko

Laura Musana [Nikuze], Misago Nelly Wilson na Seburikoko

Laura Musanase uzwi nka Nikuze muri City Maid ari kumwe na Misago Nelly Wilson wandika iyi filime

Laura Musanase yegukanye igihembo

Mutiganda wa Nkunda uyobora City Maid yahawe igihembo

Nikuze na Mutiganda uyobora City Maid

Seburikoko yatangaje ko ashimira abo bakinanye n'abamubaye hafi mu myaka ine amaze akina muri Seburikoko

Seburikoko, Umuyobozi w'Ishami ry'Umuco muri RALC, Dr Jacques Nzabonimpa na Jones Kennedy wari uyoboye umuhango wo gutanga ibihembo bya Mashariki