00:00:00 IGIHE NETWORK KN KINYARWANDA EN ENGLISH FR FRANCAIS

Ibitaravuzwe ku ndirimbo ya Kenny Sol na Harmonize (Video)

Yanditswe na Peacemaker Pundit
Kuya 23 May 2024 saa 09:55
Yasuwe :

Amezi icumi arashize Kenny Sol ashyize hanze indirimbo yitwa’One More Time’ yakoranye na Harmonize wo muri Tanzania. Ni indirimbo yari ihari ikoze, Harmonize ayumvise yifuza kuyitwara.

Mu mpeshyi ya 2023 Harmonize nibwo yari mu Rwanda mu bikorwa bitandukanye birimo gukorana indirimbo n’abahanzi no kuruhuka. Muri icyo gihe yafashe umwanya atembera muri studio agenda yumva ubuhanga bw’abahanzi batandukanye barimo Ariel Wayz, Kenny Sol, Element n’abandi.

Kenny Sol mu kiganiro na IGIHE yahishuye ko indirimbo yitwa ‘One More Time’ ifite inkuru abantu batabwiwe.

Ati”Iriya ndirimbo rero yari isanzwe ihari, yaranarangiye. Ndabyibuka Harmonize namusanze kuri hoteli, tuganira ndayimwumvisha.”

“Yarayikunze arayishima, ahita ayinsaba. Njyewe namusabye ko yampa umugisha nkakuramo igitero kimwe akaba yashyiramo igitero cye. Yambwiye ko ngomba kumuha igitero cya mbere, nanjye ndabyemera. Nguko uko yakozwe ariko na mbere hose yari ihari kandi irangiye.”

Kenny Sol yavuze ko mu minsi iri imbere ari kwitegura indi ndirimbo yakoranye n’umuhanzi wo muri Nigeria.

Reba One More Time ya Kenny Sol na Harmonize


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .