Ni ibitaramo byasorejwe kuri ‘rond point’ yo kuri Kigali Convention Centre ku mugoroba wo ku wa 1 Werurwe 2026, ahari hakoraniye abakunzi b’umuziki nabo bari bitabiriye ku bwinshi.

Ibi bitaramo bitegurwa mu rwego rwo guha ibyishimo abakunzi b’umukino w’amagare nyuma yo kuryoherwa n’isiganwa.

Ku wa 23 Gashyantare 2026 nibwo ibi bitaramo byatangiriye mu Karere ka Huye, bikomereza i Rubavu ku wa 25-26 Gashyantare 2026, bibona kwerekeza i Musanze ku wa 27 Gashyantare 2026.

Nyuma y’iki gitaramo, ikindi cyari gitegerejwe ni icyabereye mu Mujyi wa Kigali ku wa 1 Werurwe 2026 ari nacyo cyashyize akadomo kuri ibi bitaramo.

Muri iki gitaramo Symphony Band niyo yabanje ku rubyiniro, isusurutsa abakunzi b’umuziki, hakurikiraho Kenny Sol wishimiwe cyane, mu gihe Bwiza yabaye umuhanzi wa gatatu ku rubyiniro mbere y’uko Bushali ajyaho akaba ariwe ubisoza.

Ni ku nshuro ya kane habaga ibitaramo bya ‘Tour du Rwanda Festival’ icyakora by’akarusho muri uyu mwaka byari byaratewe inkunga na Amstel, ikinyobwa cyengwa n’uruganda rwa BRALIRWA.

Abakunzi b'umuziki bahageze kare

Indirimbo ziyobowe na 'Haje gushya' ni zimwe mu zakunzwe cyane za Kenny sol

Kenny Sol yagaragarije muri ibi bitaramo ko ari umwe mu bahanzi bo kwitega mu 2026

Bushali akunzwe byihariye n'urubyiruko, iyo ari ku rubyiniro aba aririmbana n'abakunzi be

Bushali akoresha imbaraga nyinshi mu gushimisha abakunzi be

Bwiza ni umuhanzi wamaze kwigarurira imitima y'abakunzi b'umuziki batari bake

Biragoye ko Bwiza yava ku rubyiniro adamahagaye umufana wamufasha kubyina zimwe mu ndirimbo ze

Abakunzi b'umuziki bagaragarije urukundo abahanzi bashyigikiye