Iki gitaramo cyahurije hamwe abarimo Passy Kizito, Dj Pius, Peace Jolis, Dj Julzz, Dj Diallo, DJ Tyga, Saxon, Memo n’abandi bahuriye kuri Norrsken ku mugoroba wa tariki 17 Ukuboza 2022.

Iki gitaramo nicyo cya mbere kibayeho kigahuza abantu batandukanye bifuza kuba hafi uyu muryango, kuko ibindi byabaye byifashishaga imbuga nkoranyambaga kubera icyorezo cya Covid-19.

Umuryango wa DJ Miller washimiye abakomeje kuwereka urukundo binyuze mu bikorwa bikorwa bitandukanye.

Nigihozo Hope, umugore wa Dj Miller yagize ati "Byari byiza nubwo bitagenze uko twabitekerezaga, ariko icy’ingenzi kwari uguha umwanya abantu bose bashaka guha icyubahiro DJ Miller batagize amahirwe yo kubigeraho acyitaba Imana kuko hari mu bihe bya COVID19.”

Yakomeje agira ati "Ubu ndishimye cyane kuba ibi bibaye kandi ndashimira abantu babashije kuza, bakoze cyane, twumva urukundo batwereka biradufasha gukomeza ubuzima."

Nigihozo Hope avuga ko igikorwa nk’iki gihuza abakunda Dj Miller n’umuryango we kizakomeza kubaho mu rwego rwo kuzirikana ibyo yasize akoze.

Umunyamuziki Rickie Pius Rukabuza wamamaye nka Dj Pius wari witabiriye iki gitaramo, na we yavuze ko iki gikorwa gifasha abantu batandukanye kongera guhura n’umuryango wa DJ Miller ndetse no kuzirikana ibyo yasize akoze.

Yagize ati "Iki gikorwa kivuze ibintu byinshi, ni urwibutso rukomeye kuri twe. Ibi birongera bikaduhuza n’umuryango wa DJ Miller. Iyo ndi gucuranga hano mba nibuka indirimbo yakundaga."

Dj Pius asaba aba Dj kugira urukundo, kwigishanya, kuba hafi ya bagenzi babo kuko ubuzima ntawe buteguza.

Bivugwa ko hakiri ibindi bihangano DJ Miller yasize muri studio, ubu hakiri kurebwa uko byatunganywa neza bikajya ahagaragara.

Byari ibyishimo kuri bamwe kongera kumva zimwe mu ndirimbo za DJ Miller

Abitabiriye bishimiye kongera kumva indirimbo za Dj Miller

Dj Diallo yacuranze muri iki gitaramo

Dj Julzz hano yacurangaga zimwe mu ndirimbo za Dj Miller

Dj Pius aganira na Hope Nigihozo umugore wa Dj Miller

Dj Pius akigera ahabereye iki gitaramo

Dj Pius avuga ko iki gikorwa giha amahirwe abantu batandukanye bagahura n'umuryango uyu munyamuziki yasize

Dj Pius avuga ko iyo acuranga agenda yiyibutsa zimwe mu ndirimbo za Dj Miller

Dj Pius na Dj Julzz bahuriye muri iki gitaramo

Dj Pius avuga ko iyo acuranga agenda yiyibutsa zimwe mu ndirimbo za Dj Miller

Dj Pius n'inshuti z'umuryango wa Dj Miller baganiriza Hope Nigihozo

DJ Pius yishimiye kuba hateguwe igitaramo cyo kwibuka mugenzi we DJ Miller

DJ Rugamba ni umwe mu bitabiriye

Dj Tyga na Dj Julzz bishimiye guhurira ku rubyiniro rumwe

Iki gitaramo n'ubwo kititabiriwe cyane, abahageze bahagiriye ibihe byiza

Ni ubwa mbere abantu batandukanye bari bahawe rugari mu gitaramo cyo kwizihiza ubuzima bwa Dj Miller

Passy Kizito na Peace Jolis ni bamwe mu bahanzi bitabiriye iki gitaramo

Umugore wa Dj Miller , Hope Nigihozo yashimiye iki gikorwa

Umugore wa Dj Miller , Hope Nigihozo aganira n'abitabiriye iki gitaramo

Ushaka ifoto y'urwibutso yayitahanye

Wari umwanya wiza wo kwibukiranya ibikorwa DJ Miller yasize akoze

Amafoto: Raoul Habyarimana