Diamond yari yasabye guhatana muri Grammy Awards mu byiciro birimo icya ‘Best Music Video’ na ‘Best Music Performance’; ariko ntiyagira amahirwe yo gutoranywa mu bahatana uyu mwaka.

Harmonize yagaragaje ko ibi bihembo uyu muhanzi mugenzi we atari ku rwego rwo kubyitabira.

Ati “Ntabwo watwara Grammy Awards kubera gusuhuza abantu gusa. Nzi icyo bisaba ngo umuntu atware ibi bihembo. Bisaba kugira abantu ba nyabo kandi badasanzwe bagukorera ibihangano.’’

Uyu musore avuga ko n’ubwo Diamond akunzwe muri Tanzania iwabo, kumenyekana ku ruhando mpuzamahanga bikigoye kuri we kuko bisaba impano ya nyayo kandi bigoye gukumira.

Ati “Ntabwo bita ku wo uri we, bo bumva imiziki gusa. Niyo mpamvu mbizi ko mu 2025 na 2026 nzaba ndi muri Grammy Awards kandi nzatsinda.”

Aya magambo yateje impagarara ku mbuga nkoranyambaga bamwe basubiriza Diamond, utaragira icyo avuga.

Umwe mu bafana yagize ati “Diamond ni icyitegererezo. Ntabwo asabwa kugira icyo akora ngo yemeze abantu.”

Kuva mu 2019 ubwo Harmonize yavaga muri Wasafi Records ya Diamond yamufashaga mu muziki, agasiga yishyuye miliyoni 500 z’amashilingi ya Tanzania [259.668.395 Frw] yatangiye kujya mu ntambara y’amagambo n’uyu muhanzi.

Aba bahanzi bagiye bakorana ibihangano byafashije Harmonize mu rugendo rwe rwa muzika
Aba bahanzi bagiye bakorana ibihangano byafashije Harmonize mu rugendo rwe rwa muzika
Mu 2019 nibwo Harmonize yavuye muri WCB ya Diamond Platnumz, asiga yishyuye miliyoni 500 z’amashilingi ya Tanzania
Mu 2019 nibwo Harmonize yavuye muri WCB ya Diamond Platnumz, asiga yishyuye miliyoni 500 z’amashilingi ya Tanzania