Ndaruhutse ‘Fally’ Merci washinze Gen-Z Comedy ari na we uyiyobora yavuze ko iki gokorwa cyabaye ku wa 11 Ukwakira 2026 nk’uko byatangajwe ku mbuga nkoranyambaga za Gen-Z Comedy na

Merci yavuze ko ari ho batangirije urugendo bise ‘GEN-Z Comedy Show High School Tour’ rwo kuzenguruka mu bigo by’amashuri bitandukanye bahashinga amatsinda (clubs) y’abanyarwenya mu rwego rwo guteza imbere impano zabo.

Ati “Nk’igice cy’urugendo rwa GEN-Z Comedy Show High School Tour, dutangije ku mugaragaro itsinda ‘Indatwa Comedy Show’ muri Groupe Scolaire Officielle de Butare, Indatwa n’Inkesha, i Huye; bizaha urubuga abanyeshuri bakiga urwenya, bakagaragaza ubuhanzi bwabo ndetse bakazamura impano zabo”.

Yakomeje agira ati “Iyi gahunda igamije gukarishya abanyempano bakiri bato, kububakamo icyizere no gutuma abanyeshuri bahinduramo ubuhanzi bwabo amahirwe akomeye. Urubuga rushya ku mpano zikiri nto. Urugendo rutangiriye aha”.

Umuyobozi Mukuru w’Ikigo cy’Igihugu gishinzwe Uburezi (REB), Dr. Nelson Mbarushimana, n’Umunyamabanga Uhoraho muri Minisiteri y’Urubyiruko n’Iterambere ry’Ubuhanzi, Parfait Ishungure, ni bamwe mu bitabiriye kandi bashyigikiye iki gikorwa cyabereye i Butare mu Karere ka Huye, nyuma yo gukorana siporo rusange.

Abanyarwenya babarizwa muri Gen-Z Comedy bitabiriye iki gikorwa barimo Fally Merci, Umushumba, Pirate, Muhinde, n’abandi bari bagiye kwifatanya na bo.

Banafatanyije amasuku yo mu kigo

Fally Merci watangije Gen-Z Comedy asangira n'abanyeshuri ifunguro rya mu gitondo

Muhinde yari yishimiye kongera kwisanga mu buzima bw'ishuri

Pirate asangira n'abanyeshuri icyayi cya mu gitondo

Umunyamabanga Uhoraho muri Minisiteri y'urubyiruko n'iterambere ry'abahanzi, Parfiat Ishungure yari mu bitabiriye iki gikorwa

Abanyeshuri bose b'iri shuri bari bitabiriye iki gikorwa