Ni ibirori byabereye muri Zanzibar, bikaba kamwe mu duce tw’ikiganiro cyabo kigiye kujya gitambuka kuri ‘Canal+ Magic’.

Nyuma yo guhurira mu kiganiro ‘The Secret Story’ kwa France Mpundu na Moctar ndetse bakagikundaniramo, abafana batangiye kujya babagaragariza urukundo ku rwego rwo hejuru, ibyatumye Canal+ yemera kubakorera ikiganiro cy’ubuzima bwabo kikajya gitambuka kuri ‘Canal+ Magic’.

Iki kiganiro kizaba cyitwa ‘Vie VIP’ kizajya cyibanda ku mashusho y’ubuzima France na Moctar babamo yaba mu Rwanda ndetse n’ahandi bakunze gutemberera cyane ko buri ntambwe yabo yose iba ifatwa amashusho.

Kimwe mu by’ibanze byo kwitega muri iki kiganiro ni urugendo baherutse gukorera muri Zanzibar. Ni ho Moctar yongeye kwambikira France Mpundu impeta mu rwego rwo gushimangira ko yari akomeje ubwo yamusabiraga muri ‘The secret story’ ko bazabana akaramata.

Umwe mu bantu ba hafi b’iyi ‘couple’ waganiriye na IGIHE yagize ati “Biriya mwabonye ni ibyo kuri televiziyo, urumva nubwo byari byo ariko impeta yari yamwambitse si iyo yari yarahisemo kuko ni iyo bamuguriye, ikindi bagombaga kujya ahantu heza hatari ahabereye kiriya kiganiro bakaba ari ho bafatira amashusho.”

Uretse uru rugendo bivugwa ko France Mpundu na Moctar bamaze igihe bafata amashusho y’iki kiganiro kigiye gutangira gutambuka kuri ‘Canal+ Magic’.

View this post on Instagram

A post shared by CANAL+ Afrique (@canalplusafrique)

Ku mucanga wa Zanzibar niho Moctar yongeye kwambikira impeta France Mpundu

Ubuzima bwa Moctar na France Mpundu bugiye kujya buca kuri 'Canal+ Magic'

France Mpundu na Moctar bagiriye ibihe byiza muri Zanzibar