Mu myaka mike ishize, imyambarire yiganjemo amakanzu ya ‘Naked Dresses’ yerekana imyanya y’ibanga ari mu myambaro yakunze kwa mbarwa n’ibyamamarekazi ku itapi itukura.

Aya makanzu akoze ku gitekerezo cyo kwerekana ubwambure bw’uwambaye ndetse n’ibyamamarekazi byagiye bikunda kuyambara ku itapi itukura kugirango bavugwe.

Ubu bwoko bw’imyambarire bwamaze guterwa utwatsi n’abategura iserukiramuco rya ‘Festival de Cannes’

Iri tangazo ryashyizwe ahagaragara amasaha make mbere y’itangazwa ry’abazitabira iri serukiramuco mu 2025

Ryavugaga ko ubwambure butemewe na gato ku itapi itukura ndetse no mu birori byose, impamvu ikaba ari ‘ugushyira imbere imyitwarire ikwiye’.

Iki cyemezo kije nyuma y’imyaka myinshi aho iyi myambarire igaragaza ubwambure yakunzwe n’ibyamamarekazi birimo nka Rihanna, Bella Hadid, Nadia Lee Cohen, Kendall Jenner, Ciara na Vicky Krieps.

Kuri ubu, umwambaro wose urimo igitambaro cyoroshye cyane (chiffon, lace cyangwa mesh) ugaragaza amabere, ikibuno cyangwa ibindi bice by’umubiri ushobora guhagarikwa.

Abategura Festival de Cannes bavuze ko bashaka ko ‘kwiyerekana birenze urugero biguma ku mucanga, ntibigere ku itapi itukura yabo’.

Ibyamamare bitandukanye bikunda kunyura kuri tapi itukura byambaye igisa n'ukuri