Ni inzu imaze igihe ivugisha abantu ku mbuga nkoranyambaga, icyakora reka bavuge ni mu gihe kuko uretse kuba yubatse ku buso bugari, inubatse mu buryo bugezweho.

Iyi nzu igeretse kabiri, ifite umwanya uhagije waparikamo imodoka nyinshi, ikagira piscine ifite umwanya w’aho kuganirira abantu bicaye hanze ndetse n’ubusitani bunini.

Ukinjira mu nzu ugana mu ruganiriro usanganirwa na firigo nini ndetse n’ububiko bw’amacupa y’ibyo kunywa bihenze.

Ni uruganiriro rwisanzuye rwubatse mu buryo bugezweho ariko na rwo rufite ububiko bw’amacupa y’ibyo kunywa bihenze, ku ruhande hari aho gusangirira amafunguro ndetse n’igikoni cya kijyambere kisanzuye.

Uzamutse mu byumba ni inzu igizwe n’ibyumba bitanu birimo kimwe kinini aho benshi bita kwa ‘nyirayo’.

Mbere y’uko winjira mu cyumba cya ‘nyirayo’, usanganirwa n’aho yakwakirira abashyitsi mu gihe adashaka ko binjira mu cyumba ariko nanone atakirenze.

Winjiye mu cyumba uretse uburyamo bwiza n’umwanya munini cyubatsemo harimo buri kintu gikenerwa mu biraramo abanyacyubahiro.

Ni icyumba gifatanye n’aho abika imyenda, amasakoshi n’inkweto na ho hisanzuye kandi hubatse mu buryo bugezweho.

Nyuma yo kuva mu cyumba cya nyirayo, uhita ugera mu bindi byumba bine biyigize byose byubatse mu buryo bugezweho ndetse birimo ibisabwa byose.

Uretse ibyumba byo kuraramo bitanu bigize iyi nzu, inafite ibindi byumba birimo icyo gukiniramo ‘Billiards’, icyo kureberamo filime cyakira abantu batandatu bicaye neza.

Hiyongeraho ibyumba birimo icyo akoreramo siporo kigezweho yise ‘Jolly Training Arena’ icyo bamukoreramo imisatsi n’inzara ndetse n’aho yotera ubushyuhe cyangwa Steam.

Uyirebeye inyuma inzu ya Jolly Mutesi ni uku yubatse

Uyirebeye ahitegeye ni uku igaragara

Mbere yo kwinjira mu ruganiriro unyura kuri 'piscine'

Jolly Mutesi ari kwinjira mu ruganiriro abanza kunyura ahari amacupa y'ibyo kunywa bihenze

Jolly Mutesi yinjiye iwe abanza gucana televiziyo iri mu ruganiriro

Karibu ku meza bafatiraho amafunguro kwa Jolly Mutesi

Mu gikoni na ho wahafatira icyo kunywa kuko hari amacupa y'ibyo kunywa bihenze

Mbere yo kwinjira mu cyumba cya Jolly Mutesi hari aho yakirira abashyitsi atashatse kwinjizamo

Mu cyumba cya Jolly harimo aho yakorera 'massage'

Icyumba Jolly Mutesi abikamo imyenda inkweto n'amasakoshi

Icyumba cya Jolly Mutesi kiri ahantu hisanzuye

Ibindi byumba na byo byubatse mu buryo bugezweho

Inzira igana mu byumba by'abashyitsi

Icyumba Jolly Mutesi akiniramo n'inshuti ze umukino wa Billiards

Icyumba cyahariwe kureberamo filime kwa Jolly Mutesi

Jolly Training Arena, ni icyumba Jolly akoreramo siporo

Iwe mu rugo, Jolly Mutesi afite aho gutunganyiriza inzara n'imisatsi

Afite icyumba cyo koteramo 'Steam' iwe mu rugo

Kuri 'Piscine' hari aho wakwicara uganira n'inshuri zawe

Imodoka ya Jolly Mutesi iparikwa ahihariye

Inzu ya Jolly Mutesi yubatse ku kibanza cyisanzuye