Divin yanditse ku mbuga ze nkoranyambaga ati “Uyu munsi twahisemo kuzabana iteka, abantu babiri bahanye isezerano, ubu dutangiye ubuzima bw’iteka ryose.”

Aya magambo kimwe n’intambwe Divin Uwayo n’umukunzi we bateye, byishimiwe n’abatari bake, biganjemo abanyamakuru bishimiye mugenzi wabo ndetse babigaragaza mu butumwa banyujije ahatangirwa ibitekerezo ku mbuga nkoranyambaga.

Nubwo bagaragaje ko batangiye urugendo rwo kwitegura kurushinga, Divin Uwayo n’umukunzi we ntibigeze batangaza igihe ubukwe bwabo buzaberera. Inshuro twagerageje kuvugisha Divin Uwayo kugira ngo tumenye amakuru yisumbuye kuri aya, ntitwabashije kumubona.

Divin Uwayo ni Umuyobozi wa Radiyo za RBA, akaba n’umunyamakuru ubimazemo igihe. Kuva mu 2017 kugeza uyu munsi, amaze imyaka icyenda akorera ku cyicaro gikuru cy’Ikigo cy’Igihugu cy’Itangazamakuru, RBA.

Mbere yaho, Divin Uwayo yanyuze kuri RC Musanze.

Ku wa 5 Ugushyingo 2024 ni bwo Divin Uwayo yahawe inshingano zo kuba Umuyobozi wa Radiyo za RBA.

Umukunzi wa Divin Uwayo bamaze no kwiyemeza kurushinga

Divin Uwayo yambitse impeta inkumi bitegura kurushinga

Divin Uwayo asanzwe ari umunyamakuru wa RBA ndetse akaba n'umuyobozi wa radiyo z'iki kigo