00:00:00 IGIHE NETWORK KN KINYARWANDA EN ENGLISH FR FRANCAIS

Def Jam Recordings yanze kongera gukorana na Kanye West

Yanditswe na Mahoro Vainqueur
Kuya 25 Ukwakira 2022 saa 08:57
Yasuwe :

Nyuma yo kugaragaza imyitiwarire idasanzwe, Kanye West uzwi nka Ye akomeje gutakaza abafatanyabikorwa batandukanye, kuri ubu ikigo gikomeye mu bifasha abahanzi, Def Jam Recordings cyanze kongera amasezerano y’imikoranire na sosiyete ya G.O.O.D. Music yashinzwe n’uyu muhanzi mu 2004.

Def Jam na G.O.O.D. Music bakoranye ku icuruzwa rya album ya cumi ya Kanye West yise ‘Donda’ yasohotse ku wa 29 Kanama 2021 nyuma yaho ntibarongera gukorana.

Iyi Def Jam ntiyigeze ishaka kugaragaza uruhare rwayo kuri Album ya 11 Kanye West yise ‘Donda 2’ yasohotse ku wa 23 Gashyantare 2022.

Kuri uyu wa 24 Ukwakira 2022 nibwo byatangajwe ko icyatumye Def Jam idakorana na Kanye kuri album iheruka ari uko amasezerano bari bafitanye yari yararangiye ikaba yaranze kongera amasezerano y’imikoranire n’uyu muhanzi ndetse na G.O.O.D. Music ye.

Kanye West na Def Jam Recordings batangiye gukorana kuva mu 2003, ikaba yari ishinzwe gukurikirana no gucuruza ibihangano bye.

Abakozi bo muri iyi iki kigo bavuga ko Def Jam yirinze kongera amasezerano n’uyu muraperi nyuma yo guteza impagarara hirya no hino ku mbuga nkoranyambaga.

Muri iyi minsi benshi mu bafatanyabikorwa ba Kanye West bari kugenda bahagarika umubano bari bafitanye.

Mu gihe kitarenze amezi abiri uyu muhanzi akomeje kubura ibigo bitandukanye birimo Inzu z’imideli nka Balenciaga na GAP, CAA Creative Artists Agency ndetse n’ikigo cya RMC cyerekana filime cyamaze guhagarika kwerekana filime mbarankuru y’uyu muraperi. Adidas nayo iherutse gutangaza ko yatangiye inyigo ku masezerano yagiranye n’uyu muraperi.

Ibi bikomeje kuba nyuma y’uko Ye agaragaye yambaye imyambaro iriho ibirango bya ‘White Live Matter’ nyuma akavuga ko imvugo ya ‘Black Lives Matter’ yari ubuteka mutwe, amagambo apfobya Jenoside yakorewe Abayahudi, n’ibindi bitandukanye.

Kanye West akomeje kubura abafatanyabikorwa batandukanye, Def Jam Recordings nayo ntikivuga rumwe n’uyu muhanzi
Def Jam Recordings yanze kongera amasezerano y’imikoranire na Kanye West
Benshi mu bafatanyabikorwa ba Kanye West bari kugenda bahagarika umubano bari bafitanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .