Charly & Nina basusurukije abakurikiye igitaramo cya Iwacu Muzika Festival (Amafoto)

Yanditswe na Uwiduhaye Theos
Kuya 13 Nzeri 2020 saa 10:45
Yasuwe :
0 0

Itsinda rya Charly & Nina ryasusurukije abakurikiye igitaramo cya Iwacu Muzika Festival kuri uyu wa Gatandatu, rifatanyije n’abanyempano banyuze muri ArtRwanda – Ubuhanzi.

Ni mu gitaramo cyabaye kuri uyu wa Gatandatatu tariki 13 Nzeri 2020 aho Iwacu Muzika Festival, ica ku mbuga nkoranyambaga ndetse no kuri Televiziyo y’u Rwanda, yongeye kuba.

Mu gitaramo cyabaye hari hatahiwe Charly & Nina, aba bahanzikazi baje bakurikira Makanyaga Abdul wakanyujijeho mu muziki w’u Rwanda, ndetse na n’ubu ugifite igikundiro mu bakiri bato ndetse n’abakuru kubera icyanga cy’ibihangano bye n’amagambo afasha benshi biganjemo abari mu rukundo.

Makanyanga yaherukaga gususurutsa abantu ku wa Gatandatu w’icyumweru gishize.

Mbere ye , abandi bahanzi banyuze muri iki gitaramo barimo umuraperi Tuyishime Joshua wamamaye nka Jay Polly, Bruce Melodie, Mani Martin, Yvan Buravan, Queen Cha, Riderman, Igor Mabano, Butera Knowless, Social Mula n’abandi.

Itsinda rya Charly & Nina ryabanjirijwe n’abandi banyempano mu gushushanya no kuririmba banyuze mu irushanwa rya ArtRwanda – Ubuhanzi.

Aba bakobwa baririmbye indirimbo zabo zitandukanye zakanyujijeho ndetse n’abo bagaragazaga akanyamuneza mu maso, berekana ko bari bakumbuye gutaramira abakunzi babo.

Nina yabwiye IGIHE ko byari bishimishije kongera gutaramira abantu, ati “Twari tumaze igihe tudataramira abantu ni ibintu byari bishimije kongera kujya ku rubyiniro kandi nziko abakunzi bacu banyuzwe mu buryo bwose, kuko twakoze iyo bwabaga ngo tubashimishe.”

Iki gitaramo kirangiye, byatangajwe ko ku wa Gatandatu tariki 19 Nzeri 2020; Christopher ariwe uzasururutsa abakunzi b’umuziki.

Abanyempano banyuze muri Art -Ubuhanzi Rwanda bahawe umwanya ngo bigaragaze
Uyu musore ufite impano mu gushushanya yahawe umwanya ngo agaragaze impano ye
Banki ya Kigali iri mu baterankunga b'Imena muri ibi bitaramo
Charly na Nina bari bamaze igihe badataramira abakunzi babo
Charly ni uku yaserutse yambaye
Charly yagoroye ijwi biratinda yongera kwerekana ko ari umunyempano udashidikanywaho
Nina yari amaze igihe atagaragara ku rubyiniro kubera ingamba zo kwirinda Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .