00:00:00 IGIHE NETWORK KN KINYARWANDA EN ENGLISH FR FRANCAIS

Céline Dion yinjiye mu gukina filime

Yanditswe na Mahoro Vainqueur
Kuya 3 Ugushyingo 2022 saa 04:12
Yasuwe :

Umuhanzikazi Céline Marie Claudette Dion yatangaje ko agiye gukina muri filime ziganjemo urwenya n’urukundo, aho izasohoka mu 2023.

Iyi filime yiswe ‘Love again’ Celine Dion azayihuriramo n’abakinnyi ba sinema batandukanye barimo Priyanka Chopra Jonas na Sam Heughan.

Sony Pictures yateguye iyi filime itangaza ko usibye kuba Celine Dion yarakinnye muri iyi filime yanakoze indirimbo izasohoka kuri iyi filime (Sound Track) bizasohokera rimwe ku wa 12 Gicurasi 2023.

Iyi filime yanditswe na Jim Strouse ivuga inkuru y’umukobwa uhura n’ihungabana nyuma yo gupfusha umukunzi agahora amwandikira ubutumwa bugufi, nyuma y’igihe nimero y’uwo mukunzi ihabwa undi musore akaba ariwe ukomeza kwakira bwa butumwa uyu mukobwa akomeza kohereza.

Uyu musore uba akunda indirimbo za Celine Dion igihe kiragera agakunda n’uwo mukobwa wapfushije umukunzi.

Iyi filime nshya Celine Dion agiye gukinamo mbere yari yahawe izina rya ‘Text For You’ ubu yahinduriwe izina yitwa ‘Love again’

Iri mu bwoko bwa ‘Rom -Com’ ni filime z’urwenya rukorwa hagati y’abantu babiri nyuma bisanga bakundanye mu buryo batatekerezaga

Celine Dion w’imyaka 54 nubwo atakigaragara mu muziki cyane ibitaramo bye yise "Courage World Tour" yabyimuriye mu 2023 kubera ibibazo by’ubuzima.

Ni ubwa mbere uyu muhanzikazi agiye kugaragara ari umukinnyi wa sinema, yagiye akora indirimbo za filime zakunzwe nka "My Heart Will Go On ya ‘Titanic’, Ashes ya ‘Deadpool 2 , n’izindi.

Ni ubwa Celine Dion agiye kugaragara muri filimi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .