Ikinyamakuru TMZ cyatangaje ko uyu muryango warezwe mu rukiko tariki 22 Ukuboza 2023, ushinjwa kwangiza no kutishyura inzu iherereye mu gace ka Beverly Hills muri Leta Zunze Ubumwe za Amerika.

Muri iki kirego, nyir’iyi nzu avuga ko Cardi B n’umugabo we bananiwe kwishyura ubukode, bakayivamo batavuze kandi bagasiga bayangije.

Uyu muryango ngo wangije intebe, amatapi, amarido, utubati ndetse ngo hari n’imyobo bacukuye mu bikuta biyigize.

Iki kirego kirishyuza ubukode ndetse n’ibihumbi 85$ yo gusana ibyangiritse ubwo bari bakiri muri iyi nzu bafatiyemo ibiruhuko by’ukwezi k’Ukwakira 2023.

Cardi B na Offset barezwe mu rukiko nyuma y’iminsi batandukanye, uyu mugore ashinja umugabo we kumuca inyuma ndetse no kumutererana aho rukomeye.

Uyu muryango usangiye abana babiri, si ubwa mbere wari utandukanye kuko mu 2018 wigeze gutandukana ndetse no mu 2020 biba uko.

Cardi B na Offset baherutse gutandukana, barezwe mu rukiko ku bwo kunanirwa kwishyura ubukode bw’inzu

Cardi na Offset bashinjwe konona bikabije inzu bafatiyemo ibiruhuko mu Ukwakira