Abahanzi Matabaro Patient, Katihabwa Samantha, Mujimbere Gabriel, Ntaganzwa Olga, El Pedro na Ninteretse Christian nibo batorewe gukomeza mu irushanwa ry’umuziki rya Primusic ritegurwa n’uruganda Braludi mu rwego rwo kwamamaza ikinyobwa cya Primus.

Aba bahanzi batoranyijwe muri 12 bari basigaye muri 1/2 cy’iri rushanwa.

Umunyamakuru wa IGIHE Burundi, uri i Bujumbura, yanditse ko gutoranya aba bahanzi byakurikije imiririmbire yabo berekanye kuwa Gatandatu, ndetse n’ubutumwa bugufi abafana boherereje kuri SMS ndetse n’uko batowe kuri internet.

Kuri uyu wa Gatandatu tariki ya 14 Nzeri hazatangazwa abahanzi batanu ba mbere bazahembwa, aho uwa mbere azahabwa igihembo gisumba ibindi cya miliyoni 15 z’Amarundi ni ukuvuga arenga miliyoni zirindwi (7) z’Amanyarwanda.