Nyuma yo gusura ibice bitandukanye by’uru rwibutso bakanunamira Abatutsi bahashyinguwe, The Ben na Bruce Melodie bavuze ko nubwo atari ubwa mbere bahasuye ariko uko bahageze barushaho kwiga.

Bruce Melodie yagize ati “Si ubwa mbere nsuye Urwibutso, icyakora ni ubwa mbere mpaje nizanye kugira ngo ndusheho gusobanukirwa. Ikintu kimwe mukwiye kumva ni uko buri munsi buri gihe uko nje hano [niga], iyi nkuru iraremereye kuko itamenyerwa […] rero nk’imbaraga z’Igihugu zubaka kandi vuba twaje hano kugira ngo twihugure ku mateka yacu.”

The Ben we yasabye abanyamakuru gukoresha amajwi yabo mu kwamamaza urukundo mu Banyarwanda ariko anahamya ko nk’ibyamamare bafite umukoro mu kurwanya abagoreka amateka y’Igihugu.

Ati “Reka dukoreshe amajwi yacu mu kwamamaza amahoro n’urukundo mu Banyarwanda […] turwanye cyane ndetse kurushaho izi nduru zo hanze zishaka guhindanya Igihugu cyacu, uretse ko zanatsinzwe ariko tugomba guhozaho tukavuga ukuri kw’amateka y’u Rwanda.”

Guhangana n’abagoreka amateka y’u Rwanda kandi wanabaye umukoro ukomeye kuri Muyoboke Alex ureberera inyungu za The Ben ndetse na Kenny Muragura wari uhagarariye 1:55AM Ltd ikorana bya hafi na Bruce Melodie.

Muyoboke Alex yibukije abahanzi bari muri iki kiganiro n’abanyamakuru muri rusange ko abagoreka amateka batabarusha ababakurikira bityo ko bakwiye kuba bahangana na bo cyane ko bafite ukuri ku byo bavuga mu gihe usanga abasebya u Rwanda bibasaba guhimba.

Kenny Mugarura yibukije abari muri iki gikorwa ko inshuro nyinshi usanga bakoresha imbuga nkoranyambaga ibidafite umumaro nyamara bakabaye bazikoresha bahangana n’abagoreka amateka y’Igihugu.

Ubwo The Ben na Bruce Melodie bari bageze ku Rwibutso rwa Jenoside rwa Kigali

Bruce Melodie mu cyumba babanza kureberamo amashusho asobanura byinshi ku Rwibutso rwa Jenoside rwa Kigali

The Ben yitegereza amashusho asobanura byinshi ku Rwibutso rwa Jenoside rwa Kigali

The Ben na Bruce Melodie basobanurirwa amateka yaranze u Rwanda mu Rwibutso rwa Jenoside rwa Kigali

Uwicyeza Pamella na Kate Bashabe bari baherekeje aba bahanzi

Nyuma yo gusobanurirwa byinshi ku Rwibutso rwa Jenoside rwa Kigali, bagiye gusura ibyumba bibitse amateka ya Jenoside yakorewe Abatutsi

Bruce Melodie na Kenny Mugarura uyobora 1:55AM Ltd bahaye icyubahiro abashyinguwe mu Rwibutso rwa Jenoside rwa Kigali

Uwicyeza Pamella na The Ben bashyize indabyo ku mva zishyinguwemo abishwe muri Jenoside yakorewe Abatutsi

Kenny Mugarura Umuyobozi wa 1:55 AM Ltd yashyize indabyo ku mva zishyinguwemo abishwe muri Jenoside yakorewe Abatutsi

Ben na Chance bari baherekeje The Ben na Bruce Melodie nabo bashyize indabyo ku mva zishyinguwemo abishwe muri Jenoside yakorewe Abatutsi

Bruce Melodie, The Ben , Uwicyeza Pamella na Muyoboke Alex nyuma yo gushyira indabyo ku mva zishyinguwemo Abatutsi bisshwe muri Jenoside yakorewe Abatutsi

Mbere yo kugira icyo babwira itangazamakuru, The Ben na Bruce Melodie babanje gufatana ifoto y'urwibutso

The Ben na Bruce Melodie bahurije ku gusaba urubyiruko guhangana n'abapfobya amateka ya Jenoside yakorewe Abatutsi

Bruce Melodie yagaragaje ko amateka y'u Rwanda atari ikintu abantu bashobora kumenyera nubwo waba usuye Urwibutso kenshi uhora ukeneye gusubirayo kwihugura

The Ben yasabye urubyiruko kuba ijwi ribiba urukundo mu Banyarwanda

Abanyamakuru bari benshi baherekeje The Ben na Bruce Melodie muri iki gikorwa

Ben na Chance babanye na The Ben na Bruce Melodie muri iki gikorwa

Amafoto: Habyarimana Raoul