00:00:00 IGIHE NETWORK KN KINYARWANDA EN ENGLISH FR FRANCAIS

‘Oldies Music Festival’ igiye kuba ku nshuro ya kane

Yanditswe na Nsengiyumva Emmy
Kuya 30 May 2024 saa 07:57
Yasuwe :

Iserukiramuco ‘Oldies Music Festival’ rimaze kubaka izina mu Rwanda rigiye kongera kuba ku nshuro ya kane, abaritegura bakaba bateguje umuziki wo mu myaka yo ha mbere wafashije Abanyarwanda kuva mu bwigunge nyuma ya Jenoside yakorewe Abatutsi.

Basile Uwimana uri mu bategura iserukiramuco rya ‘Oldies Music Festival’ mu kiganiro yagiranye na IGIHE, yavuze ko uyu mwaka bazibanda ku ndirimbo zafashije Abanyarwanda kuva mu bwigunge.

Ati “Kuri iyi nshuro tugiye gukora Festival tunizihiza imyaka 30 ishize u Rwanda rwibohoye, tuzibanda ku ndirimbo za cyera ariko bitari cyane, tuzagaruka ku zafashije Abanyarwanda kuva mu bwigunge nyuma ya Jenoside yakorewe Abatutsi.”

Uretse uwo muziki uzaba uvangwa aho ngaho, Uwimana yavuze ko batumiye abantu bari mu myidagaduro mu myaka ya nyuma ya gato ya Jenoside yakorewe Abatutsi kugira ngo baganirize abazitabira iri serukiramuco byinshi ku muziki w’icyo gihe.”

Byitezwe ko iri serukiramuco rizabera ahitwa ‘Juru Park’ ku i Rebero ku wa 27 Nyakanga 2024, Uwimana agahamya ko bahisemo kongera kuhasubiza iri serukiramuco kuko ari ahantu hafite amateka ku myidagaduro yo mu bihe bya nyuma ya Jenoside.

Iri serukiramuco ryatangiye kuva mu mwaka wa 2021 rizwiho kwitabirwa n’abantu batandukanye baba baserutse mu myambaro yo ha mbere bityo ababashije kujyanisha n’igihe cyagenwe bagashimirwa ku mugaragaro.

Iserukiramuco rya 'Oldies Music Festival' igiye kuba ku nshuro ya kane muri uyu mwaka izitsa ku muziki wafashije Abanyarwanda kuva mu bwigunge nyuma ya Jenoside yakorewe Abatutsi mu 1994
Iserukiramuco rya 'Oldies Music Festival' risanzwe ryitabirwa n'abatari bake

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .