00:00:00 IGIHE NETWORK KN KINYARWANDA EN ENGLISH FR FRANCAIS

Basketball yahujwe n’imyidagaduro: Abanyamuziki b’i Kigali barenga 35 bamaze gutamira ku ifaranga rya BAL

Yanditswe na Nsengiyumva Emmy
Kuya 22 May 2024 saa 01:24
Yasuwe :

Ku nshuro ya kane, Umujyi wa Kigali ugiye kwakira imikino ya nyuma ya BAL ihuza amakipe ya Basketball aba yahize ayandi muri Afurika nzima. Muri izi nshuro abakunzi b’umukino wa Basketball bishimira bikomeye ibirori by’umuziki biyiherekeza.

Muri uyu mwaka abanyamuziki 18 biganjemo abo mu Rwanda bahawe akazi ko gususurutsa abakunzi ba Basketball bazitabira imikino ya BAL iteganyijwe kubera muri BK Arena kuva ku wa 24 Gicurasi 2024 kugera ku wa 1 Kamena 2024.

Uretse imikino ya BAL yabaye mu 2021 ubwo icyorezo cya Covid-19 cyari cyugarije Isi, indi yose iba yatumiwemo abahanzi bakomeye mu Rwanda no muri Afurika.

Muri uyu mwaka imikino ya BAL izasusurutswa n’abanyamuziki b’abanyarwanda barimo Inganzo Ngari, Juno Kizigenza, DJ Kim, DJ Hottempah Collective, Bwiza, Kenny Sol, Alyn Sano, Chris Eazy, DJ Sonia, Ishami Talent, Kivumbi King, Ish Kevin, Kevin Kade, Ariel Wayz na The Ben.

Aba bakaziyongeraho Adekunle Gold uzaba aturutse muri Nigeria, DJ Loft wo muri Ghana na DJ Fully Focus wo muri Kenya.

Ubwo iyi mikino yaberaga mu Mujyi wa Kigali mu 2023, yari yatumiwe abanyamuziki barimo Bruce Melodie, Kivumbi, DJ Makeda, Chriss Eazy, DJ Toxxyk, Kenny Sol, Juno Kizigenza na Ariel Wayz bo mu Rwanda.

Aba bakaba biyongeraho DJ Neptune wo muri Nigeria, Abigail Chams wo muri Tanzania, Pheelz wo muri Nigeria, Ommy Dimpoz wo muri Tanzania, DJ Dollar wo muri Sénégal na Fully Focus wo muri Kenya.

Ni mu gihe mu 2022 ubwo iyi mikino yari igiye kubera bwa mbere mu Mujyi wa Kigali, yatumiwemo abanyamuziki barimo Bushali, Ish Kevin, Mike Kayihura, Ruti Joël, Itorero Mashirika, DJ Marnaud, DJ Toxxyk, DJ Makeda, Afrique, Urban Song, Jabba Junior, Sick City, The Target Band na DJ Pyfo bo mu Rwanda.

Aba bakaba bari biyongereyeho DJ Shale wavukiye mu Budage ariko uyu munsi akaba atuye muri Leta Zunze Ubumwe za Amerika.

Abanyamuziki bagera kuri 18 batumiwe mu mikino ya BAL igiye kubera i Kigali ku nshuro ya kane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .