Ibi birori byari byahuje abahanga imideli bagera kuri 15 biganjemo abo mu Rwanda, Uganda ndetse no mu bindi bihugu, byanyuze abanyamujyi cyane ko ari ubwa mbere byari bibereye ahantu hanze.

Ku kiraro cyarimbishijwe amatara amurikira abagitambukaho, abakunzi b’ibi birori bicaye ku buryo buteganye. Abamurika imideli babatambukaga hagati bitegereza ubuhanga bwabo mu ntambuko ndetse n’udushya tw’imyenda bari kumurika.

Uretse ibyo kumurika imideli, abitabiriye ibi birori bananyuzwe bikomeye na Bull Dogg waje kubasusurutsa ubwo byaganaga ku musozo atanga ibyishimo ku batari bake bari bakoraniye ku kiraro cya Kigali Universe.

Ku rundi ruhande, ibi birori bibaye ibya mbere bibereye kuri iki kiraro kitaranatahwa ku mugaragaro dore ko nubwo imirimo yo kucyubaka yarangiye gitegerejwe gutahwa mu minsi iri imbere nk’uko IGIHE yabihamirijwe na Kenny Mugarura, umwe mu bayobozi b’iyi nyubako.

Ati “Ntabwo turagitaha ku mugaragaro, mu minsi iri imbere nibwo tuzagitaha turi kubitegura kandi turabizi ko bizaba ari ibintu bisa neza ni nayo mpamvu twihaye uyu mwanya wose wo kubitegura neza.”

Ku rundi ruhande, Kigali Fashion Week imaze iminsi ibera i Kigali, aho ibikorwa byabo byatangiye ku wa 25 Gicurasi 2026 byitezwe kurangira ku wa 30 Gicurasi 2026.

Abahageze mbere babanje gufata ibyicaro ahantu hitegeye aho abamurika imideli batambuka

Abayobozi muri Kigali Universe ubwo bari bahingutse ahabereye ibi birori

Icyaka ntabwo cyari ikibazo muri ibi birori kuko ibyo kunywa by'ubwoko bunyuranye byari byateguwe muri Kigali Universe

Abanyamahanga bakunda bikomeye ibirori byo kumurika imideli

Ibi birori byabereye hanze ku kiraro cya Kigali Universe

Nubwo afite ubumuga bw'uruhu, ni umwe mu bahanga mu kumurika imideli batashye mu mitima ya benshi mu bakurikiye ibi birori

Baganira ku mashusho y'abamurika imideli bamaze gufata

Muri ibi birori buri wese aba ashaka gucyura amashusho y'urwibutso

Uyu mukobwa ufite ubumuga bw'uruhu ni umwe mu bishimiwe bikomeye muri ibi birori kubera ubuhanga bwe mu kumurika imideli

Buri wese mu buhanga bwe agerageza gufata amashusho y'urwibutso y'ibi birori

Abahanga imideli baba bakoze iyo bwabaga ngo bahange isigara ku mitima y'abitabiriye ibi birori

Abamurika imideli batambukaga hagati y'abakunzi b'ibi birori bari bicaye mu buryo buteganye

Hari n'abafata amashusho bagasigara baganira ku myenda babonye cyane ko hari n'abahita bayigura

Ni ibirori byari bibereye ijisho cyane ko ari n'ubwa mbere byari bibereye hanze mu Rwanda

Ikiraro cya Kigali Universe cyari cyarimbishijwe

Abareberaga kure iki kiraro ni uku bakibonaga

Nubwo iki kiraro cyarangiye ndetse cyanakiriye ibi birori, ntabwo kiratahwa ku mugaragaro

Ubwo DJ Sonia witabiriye ibi birori yajyanwaga kwerekwa aho yicara

Uyu mukobwa yamuritse umwenda ukoze mu mufariso

DJ Lamper ni umwe mu bitabiriye ibi birori

Bull Dogg ni we wari watumiwe gususurutsa abitabiriye ibi borori

Bull Dogg yanyuzagamo agasuhuza abitabiriye ibi birori

Bull Dogg yaririmbye nyinshi mu ndirimbo ze zakunzwe

Mukobwajana Patience na Musonera Sarah bazwi mu biganiro bakora kuri YouTube ni bamwe mu bitabiriye ibi birori

Matheo Design ubwo yatambukaga nyuma yo kumurika imyenda ye

Amafoto: Kwizera Remy Moses