Alyn Sano yagizwe ‘Brand Ambassador’ w’iyi kaminuza yarangijemo mu 2017, inaherutse kumuha igihembo cy’umukobwa witwaye neza mu myaka icumi ishize.

Iki gihembo cyitwa ‘Woman of decade’ gitangwa hashimirwa umukobwa wanyuze muri Akilah Institute wakurikije ibyo yahize kandi witwaye neza.

Uyu mukobwa yavuze ko yishimiye kugirwa ‘Brand Ambassador’ w’iyi kaminuza ndetse ayizeza kuzanoza neza inshingano yahawe.

Ati “Nk’umunyeshuri wahanyuze, nkaba n’umuhanzi w’umukobwa kandi ushobora no gutera imbaraga abandi, nzagerageza gukangurira abifuza kubona ubumenyi butanzwe na kaminuza inyotewe no guteza imbere uburezi bw’umwana w’umukobwa kuhagana.”

Ibikubiye mu masezerano uyu muhanzikazi yagiranye n’iyi kaminuza yavuze ko bahisemo kubigira ibanga.

Icyakora IGIHE yamenye ko aya masezerano ari ay’amezi atandatu ashobora kongerwa bitewe n’uko impande zombi zizaba zishimiye imikoranire.

Alyn Sano uherutse kwitabira irushanwa rya The Voice Africa akabasha no kugera mu cyiciro cya nyuma, ni umwe mu bahanzikazi bakomeye mu Rwanda.

Muri iyi minsi Alyn Sano afite indirimbo zikunzwe zirimo; Ide yakoranye na Symphony Band,Hono,Joni n’izindi.

Iyi kaminuza imaze iminsi itangaje Alyn Sano nka Brand Ambassador wayo

View this post on Instagram

A post shared by Akilah Institute (@akilahinstitute)

Alyn Sano ni umwe mu bahanzikazi bagezweho muri iki gihe