Ni igitaramo cyanafunguye imiryango kuko ari ubwa mbere yari ataramiye i Burayi nyuma yo kubigerageza inshuro nyinshi, ariko ibyangombwa bikaba ikibazo.

Alex Dusabe ahamya ko bigenze neza buri bihe bya Pasika yajya aba afite igitaramo akorera i Burayi mu rwego rwo kwegerana n’abakunzi be bahatuye.

Ati “Turi mu myiteguro kandi nibaza ko nta kabuza bizagenda neza hamwe n’Imana.”

Alex Dusabe uri mu bahanzi bamaze igihe barubatse izina mu muziki wo kuramya no guhimbaza Imana, aherutse gukorera i Kigali igitaramo cy’amateka ubwo yizihizaga imyaka 25 amaze akora ivugabutumwa mu ndirimbo.

Ni igitaramo yise “Umuyoboro 25 Concert’’ cyabereye muri Kigali Conference and Exhibition Village (KCEV) hazwi nka Camp Kigali, ku wa 14 Ukuboza 2025.

René Patrick na Tracy bataramiye abitabiriye igitaramo cya Alex Dusabe

René Patrick na Tracy bari mu bahanzi bagezweho mu muziki wo kuramya no guhimbaza Imana

Igitaramo cyitabiriwe n'abantu banyuranye baba abato n'abakuru

Alex Dusabe yeretse umugore we abitabiriye igitaramo cyabereye mu Bubiligi

Alex Dusabe yakoreye mu Bubiligi igitaramo yizihirijemo imyaka 25 amaze mu muziki

Ni ubwa mbere Alex Dusabe yari ataramiye i Burayi

Ubanza iburyo ni Justin Karekezi, umuyobozi wa 'Team Production' isanzwe itegura ibitaramo i Burayi

Alex Dusabe yashimiye Rene Patrick na Tracy bitabiriye igitaramo cye

Ubwitabire bwari hejuru muri iki gitaramo cya Alex Dusabe

Amafoto: Jessica Rutayisire