Agahenge mu rukundo rwa Kanye West na Kim Kardashian

Yanditswe na Uwiduhaye Theos
Kuya 1 Ukwakira 2020 saa 08:04
Yasuwe :
0 0

Nyuma y’inkuru zari zimaze iminsi zicicikana ko mu rugo rwa Kim Kardashian na Kanye West batabanye neza, kubera ibikorwa umugabo yari amaze iminsi akora ku karubanda, Kim yagaragaje ko nta gicuba cyacitse mu rukundo rwabo.

Uyu mugore yashyize amafoto atandukanye ku rukuta rwe rwa Instagram yambaye imyambaro ye y’imbere izwi nka ‘Skims’, ari kumwe n’umuhanzi w’imideli w’Umufaransa witwa Michèle Lamy, bose bayambaye.

Yagaragaje ko ayo ye n’uwo munyamideli yafashwe na Kanye West. Ibi byavugishije benshi cyane ko byahwihwiswaga ko bamaze gutandukana ndetse buri wese aba ukwe.

Hari ku wa Mbere nabwo Kim Kardashian yashyize hanze amafoto y’abana be n’umugabo, ubona bahuje urugwiro. Abigereranya no kugira amahirwe adasanzwe mu buzima bwe.

Mu minsi ishize hagiye hakwirakwira inkuru zivuga ko Kim na Kanye baba bari hafi gutandukana.

Zaje zikurikira amagambo Kanye West yanditse kuri Twitter ashinja umugore we Kim Kardashian kumuca inyuma muri hoteli hamwe n’umuraperi Meek Mill, avuga ko amaze igihe kinini yifuza ko batandukana.

Icyo gihe yagaragazaga ko umugore we yamuciye inyuma na Meek Mill, nyuma yo kugirana umubano ubwo batangiraga kuganira uburyo bavuganira imfungwa hakagira impinduka ziba mu magereza.

Kanye West yanditse ati "Maze igihe ngerageza gutandukana na Kim Kardashian kuva yahura na Meek Mill bari kuganira uko bavuganira imfungwa hakaba impinduka mu magereza. Bahuriye kuri Warldolf."

Kim Kardashian mu masaha make na we yanditse kuri Instagram agaragaza ko umugabo we ibyo ari gukora muri iyi minsi ari kubiterwa n’uburwayi bwo mu mutwe asanganywe buzwi nka ’Bipolar Disorder’, butuma amarangamutima y’umuntu ahindagurika mu buryo butitezwe.

Yavuze ko imiryango ifite umuntu ufite uburwayi bwo mu mutwe iba ishegeshwe, keretse iyo uwo muntu ari munsi y’imyaka 18.

Yakomeje avuga ko abantu batabyitayeho cyangwa batigeze bahura n’ibibazo nk’ibi bashobora guca imanza cyangwa ntibumve ko abo bantu ubwabo baba bakeneye ubufasha, hatitawe ku buryo umuryango cyangwa inshuti zagerageje.

Yavuze ko umugabo we ashobora kutumvwa iyo bigeze ku bikorwa bye n’amagambo, ashobora gutera amarangamutima n’ibitekerezo bikakaye.

Mu yandi magambo Kanye West yari yanditse kuri Twitter yafashe nyina wa Kim Kardashian, Kris Jenner nk’umugore w’umugome, mu kwandika amazina ye yongeraho aya Kim Jong-Un uzwiho ibikorwa nk’ibyo.

Kim Kardashian na Kanye West bamaze iminsi bagaragaza ko urukundo rwabo rumeze neza
Imwe mu mafoto Kim Kardashian yashyize kuri Twitter akagaragaza ko yafashwe n'umugabo we
Kim Kardashian yashyize amafoto ku mbuga nkoranyambaga y'umugabo we ari kumwe n'abana babo ubona akanyamuneza ari kose
Kanye West yashyize iyi foto kuri Twitter agaragaza ko we n'umugore basangiye iby'umugoroba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .