00:00:00 IGIHE NETWORK KN KINYARWANDA EN ENGLISH FR FRANCAIS

AFRIMMA: Rayvanny yigaranzuye abarimo Diamond Platnumz na Eddy Kenzo

Yanditswe na Mahoro Vainqueur
Kuya 20 Ugushyingo 2022 saa 10:13
Yasuwe :

Raymond Shaban Mwakyusa wubatse izina nka Rayvanny yahize abahanzi barimo Diamond Platnumz na Eddy Kenzo bamaze imyaka myinshi biharira ibihembo bya AFRIMMA mu cyiciro cy’umuhanzi mwiza muri Afurika y’Iburasirazuba.

African Muzik Magazine Awards ni ibihembo byatanzwe mu rukerera rwo ku wa 19 Ugushyingo 2022 muri Leta Zunze Ubumwe za Amerika mu Mujyi wa Dallas.

Ibi bihembo bigamije gushimira abanyamuziki bo muri Afurika, Rayvanny yaraye yegukanyemo icya “Best Male East Africa” atsinze abarimo Diamond Platnumz, Eddy Kenzo, Mbosso, Nyashinski, King Saha na Marioo.

Umuhanzikazi Zuchu ubarizwa muri Wasafi yegukanye igihembo cy’umuhanzikazi mwiza muri Afurika y’Iburasirazuba “Best Female East Africa” atsinze abarimo Femi One, Sheebah Karungi, Jovial, Maua Sama, Sanaipei Tande, Nandy na Winnie Nwagi.

Buri mwaka AFRIMMA ishimira umuyobozi w’indashyikirwa ‘Leadership Award, uyu mwaka igihembo cyahawe Perezida wa Tanzania, Samia Suluhu kubera umuhate yagaragaje mu gushyigikira imyidagaduro mu gihugu ayoboye.

Goya Menor yegukanye igihembo cy’umuhanzi mushya mwiza (Best New Comer) ahize abarimo Camidoh, Asake, Young Stunna, Ssaru, Santrinos Raphael, Jay Melody, Nenny na Baby Diaz.

Asake ukunzwe na benshi muri iyi minsi yegukanye igihembo cy’umuhanzi w’umwaka atsinze abarimo Burna Boy, Fireboy DML na Dadju.

Mr Killa yegukanye igihembo cy’umuhanzi mwiza ukora Injyana ya Reggae “Best Reggae Dancehall Act”, Goyan Menor yagukana igihembo cy’umahanzi mushya.

Dj Prince yegukanye igihembo cy’uvanga imiziki neza “Best Dj’ naho Pheelz na Buju begukanye igihembo cy’indirimbo nziza ihuriweho "Best Collaboration", bakesha iyo bise ‘Finesse’.

Abandi batwaye ibihembo barimo Mr Flavour wegukanye igihembo cy’indirimbo ifite amashusho meza ‘Video of the Year’ na Phyno wegukanye igihembo cy’umuraperi mwiza w’umwaka ’(Best Male Rapper.)

Abitabiriye umuhango wo gutanga ibi bihembo bataramiwe n’abahanzi batandukanye barimo Rayvanny, Zuchu, Buju, Mr Flavour, Phyno, Lil Kesh n’abandi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .