Cyitabiriwe ku rwego abagiteguye batari biteze dore ko abakerewe bagiye kwishakira intebe abandi bagikurikira bahagaze kuva saa moya z’umugoroba kugeza saa ine n’igice z’ijoro.

Minisitiri w’Ubucuruzi n’Inganda, Dr Ngabitsinze Jean-Chrysostome; Massamba Intore, Jules Sentore, Ndayizeye Emmanuel uzwi nka Nick Dimpoz n’umufasha we Aline Kayigemera Sangwa, Umunyarwenya Etienne , Willy Ndahiro, Iradukunda Bertrand n’abandi bazwi bari bitabiriye.

Igitaramo cyatangijwe n’umutagara w’ingoma wavugijwe n’abana bato b’itsinda Nyundo Kids Drummers bakomye imirishyo itandakunye bagira bati “Turi bato batari gito.”

Itorero Inyamibwa rya AERG ryahise rikurikiraho. Ryataramiye abitabiriye iki gitaramo bagira bati “U Rwanda rwejeje Imana rwareze neza.”

Bamwe mu banyuze muri iri torero mu rwego rwo kwishimira intambwe abo basigiye iri torero bagezeho bagiye ku rubyiniro bataramira abaje gushyigikira barumuna babo.

Muri iki gitaramo kandi hashimiwe abantu batandukanye barimo Umukuru w’Igihugu , intwari zitangiye u Rwanda, n’ingabo za FPR zahagaritse Jenoside yakorewe Abatutsi.

Abandi bashimiwe barimo Massamba Intore, Mariya Yohana, Cecile Kayirebwa, Muyango , Nyiranyamibwa Suzanna, ku burere bwiza batanze ku bakibyiruka binyuze mu bihangano byabo ndetse ubu bakaba bakomeje gushyigikira umurage basigiwe.

Abagize Itorero Inyamibwa bakinnye umukino werekana imirimo imwe n’imwe y’abanyarwanda bakina berekana uburyo bari batunzwe n’ubuhinzi, korora inka, uburobyi, uko abakobwa batozwa gukora isuku, kujya kuvoma, abahungu bakajya gusarura, gutashya n’ibindi bitandukanye.

Nyuma y’uyu mukino abagize iri torero bakomereje ku mukino werekana ibyagezweho mu Rwanda bavuga ko rwejeje Imana. Berekanye inyubako ya Kigali Convention Centre, RwandAir, Ingagi zo mu Birunga , gahunda yo Kwita Izina, ikiraro cyo mu Kirere muri Nyungwe na gahunda Visit Rwanda.

Ku musozo w’iki gitaramo hatanzwe ibihembo kuri bamwe bizigamiye bakigera mu gitaramo binyuze mu Ikigega RNT Iterambere Fund. Ni ibihembo byatanzwe na Minisitiri w’Ubucuruzi n’Inganda, Dr Ngabitsinze Jean-Chrysostome.

Iri torero ryatangijwe mu 1998. Ryatangiye gutumirwa mu bitaramo bwa mbere mu 2009, rijya hanze y’u Rwanda mu 2012 ubwo ryari ritumiwe muri Kenya.

Ababimenye kare bajyaga kwishakira intebe bicaraho

Ababyinnyi b’iri torero basabye Mininisitiri Ngabitsinze kubasanga ku rubyiniro nawe abashimira uko bitwaye muri iki gitaramo

Abagize Itorero Inyamibwa bakinnye imikino itandukanye

Imbyino gakondo zanyuze abari bitabiriye iki gitaramo

Abagize Itorero Inyamibwa bashimiye Intwari zitangiye u Rwanda

Abakibyiruka ntibatanzwe no kwihera ijisho icyo bakuru babo babarushije

Abakobwa bagize iri torero banyuze benshi

Abana bagize itsinda Nyundo Kids Drumers nibo bafunguye iki gitaramo

Abanyamahanga ntibatanzwe muri iki gitaramo 'Urwejeje Imana'

Abanyuze mu Itorero Inyamibwa bagaragaje ko batibagiwe ibyo bahigiye

Akanyamuneza kari kose ku bitabiriye iki gitaramo

Amatsiko yari yose bashaka kureba ibyo Inyamibwa zateguye

Muri iki gitaramo hamurikiwe ibikorwa bitandukanye

Bamuritse imbyino zitandukanye bamaze igihe bitoza

Bamwe mu banyuze muri iri torero beretse barumuna babo ko ibyo babatoje batabyibagiwe

Bamwe mu banyuze muri iri torero bavuye mu byicaro byabo bajya ku rubyiniro bagaragaza ko batewe ishema nibyo abo basigiye itorero bagezeho

Bari bitwaje ibyapa byanditseho amazina y'Intwari z'u Rwanda

Batashye banyuzwe

Cyari igitaramo kigizwe n'imikino itandukanye

Benshi batashye bishimiye bikomeye iki gitaramo

Ku muryango bashoboraga kukureka ukinjira ariko kubona aho wicara cyari ikibazo, byatumaga benshi bajya gushaka intebe mu bindi byumba bya Camp Kigali

Teta Ndenga Nicole wanyuze mu irushanwa rya Miss Rwanda, ni umwe mu babyinnyi b'iri torero

Ni igitaramo cyitabiriwe n'ingeri zose z'abakunzi b'ibirori

Hacanwe urumuri mu kwizihiza isabukuru y'imyaka 25 y'Itorero Inyamibwa rimaze rishinjwe

Abitabiriye iki gitaram bamurikiwe imbyino zitandukanye

Icyumba cyabereyemo iki gitaramo cyari cyakubise cyuzuye

Iki gitaramo cyahujwe n’isabukuru y’imyaka 25 iri torero rimaze rishinzwe

Iki gitaramo cyitabiriwe n'ingero zitandukanye

Iki gitaramo cyitabiriwe n'umubare munini w'abantu barenze abari bateganyijwe

Intwari zashimiwe ubwitange zagize abato, bahiga kuzatera ikirenge mu cyabo

Inyamibwa zari zimaze imyaka itanu zidatarama

Itorero Inyamibwa ryatangijwe mu 1998

Itorero Inyamibwa ryatangiye gutumirwa mu bitaramo bwa mbere mu 2009

Itorero Inyamibwa ryataramiye bwa mbere hanze y’u Rwanda mu 2012 ubwo ryari ryatumiwe muri Kenya

Itorero inyamibwa rya AERG ryataramye rigira riti “U Rwanda rwejeje Imana rwareze neza.”

Ku musozo w’iki gitaramo hatanzwe ibihembo kuri bamwe bizigamiye bakigera mu gitaramo

Kubona ibyicaro muri iki gitaramo ntibyari byoroshye

Kubyina imbyino za Kinyarwanda bisaba kuba ugororotse mu maboko

Massamba Intore yashimiwe uruhare yagize mu kwigisha abato kuguma ku njyana gakondo

Minisitiri Dr Ngabitsinze Jean-Chrysostome, ni umwe mu bitabiriye iki gitaramo

Minisitiri w'Ubucuruzi n'Inganda, Dr Ngabitsinze Jean-Chrysostome yanyuzwe n'igitaramo cy'Inyamibwa

Nyundo Kids Drumers banyuze abitabiriye iki gitaramo

Ntabwo cyari igitaramo cy'Abanyarwanda gusa, n'abanyamahanga bari baje kwihera ijisho ibyiza bategurewe n'itorero Inyamibwa

Intore zo mu Itorero Inyamibwa zasusurukije abitabiriye iki gitaramo

Benshi baba bifuza kubika amashusho y'urwibutso mu gitaramo nk'iki

Umuhuzabikorwa wa AERG ku rwego rw'Isi, Udahemuka Audace, yagabiye Itorero Inyamibwa

Uru rubyiniro rwateguwe n'umwe mu bakobwa bagize Itorero Inyamibwa washinze sosiyete ikora ibijyanye no gutegura ahabera ibitaramo cyangwa ubukwe

Amafoto Nezerwa Salomon

Video : Sage Aggee Igena