Ku wa Mbere tariki 20 Werurwe 2023, nibwo urukiko rwo muri Leta ya Florida rwahamije icyaha aba basore batatu Michael Boatwright, Dedrick Williams na Trayvon Newsome cyo kwica barashe umuraperi XXX Tentacion muri Kamena 2018.

Amakuru dukesha BBC avuga ko aba basore uko ari batatu bahamijwe ubwicanyi bwo ku rwego rwa mbere ndetse bashobora guhanishwa igifungo cya burundu.

Umwaka ushize nibwo hafunzwe Robert Allen wagize uruhare mu rupfu rw’uyu muraperi aza no gutanga ubuhamya kuri abo bagenzi be batatu hanaherewe ku mashusho yafashwe na camera zo ku muhanda zagarageje ko XXX Tentacion yibasiwe n’abasore babiri bamwambura igikapu cyari kirimo amafaranga bahita bamurasa.

Tariki 18 Kamena 2018 ni bwo umuraperi XXX Tentacion yarashwe ku manywa y’ihangu mu mujyi wa Plantation wo muri Leta ya Florida.

Yapfuye amaze kumenyakana mu muziki ku myaka ye 20 gusa, icyo gihe akaba yari amaze gushyira hanze indirimbo zakunzwe nka ‘Infinity’, ‘BAD’ n’izindi.

Abasore batatu bahamijwe icyaha cyo kwica umuraperi XXX Tentacion mu 2018

Abasore batatu bahamijwe icyaha cyo kwica XXX Tentacion nyuma y'imyaka 5 amaze apfuye