Iri serukiramuco ry’indirimbo zo guhimbaza Imana, riteganyijwe ku wa 26-28 Gashyantare 2027. Ryanatumiwemo abavugabutumwa b’amazina azwi riri gutegurwa na ‘Team Production’, sosiyete isanzwe itegura ibitaramo by’abahanzi b’Abanyarwanda mu Bubiligi.

Mu bahanzi batumiwe muri iri serukiramuco harimo Israel Mbonyi, Richard Ngendahayo, Aline Gahongayire, Adrien Misigaro, Ben&Chance, Adrien Misigaro, Willy Uwizeye n’abandi benshi bateganya gutangazwa mu minsi iri imbere.

Ku rundi ruhande hazaba hanatumiwe abavugabutumwa banyuranye barimo Bishop Emmanuel Karemera, Pastor Julienne Kabanda n’umugabo we, Stanley Kabanda.

Team Production yateguye iri serukiramuco isanzwe itegura ibitaramo bitandukanye bihuza Abanyarwanda baba mu Bubiligi harimo ibirori ndetse n’izindi gahunda zitandukanye bahuriramo nk’abakomoka mu gihugu kimwe n’ibindi.

Mu Bubiligi, hateguwe iserukiramuco ry'umuziki wo kuramya no guhimbaza Imana ry'iminsi itatu