00:00:00 IGIHE NETWORK KN KINYARWANDA EN ENGLISH FR FRANCAIS

Abaraperi 10 bakomeye bishwe barashwe muri Amerika kuva mu 2018 (Amafoto)

Yanditswe na Uwase Kevine
Kuya 10 Mutarama 2023 saa 04:33
Yasuwe :

Imbunda zikomeje kugarika ingogo muri Leta Zunze Ubumwe za Amerika yaba mu bakomeye n’aboroheje, abazwi n’abatazwi, aho nko mu 2020 abantu bishwe n’intwaro muri icyo gihugu bagera ku 45,222.

Benshi baribuka umwana w’imyaka itandatu uherutse gutabwa muri yombi afungwa na Polisi nyuma y’uko arashe umwarimu we muri Leta ya Virginia mu Ishuri ribanza rya Richneck riri mu Mujyi Newport News.

Imibare yerekana ko kuva mu 1968 kugeza 2017, miliyoni 1.5 y’abantu muri Leta zunze Ubumwe za Amerika bishwe barashwe cyangwa biyahuye hakoreshejwe imbuda.

Ikinyamakuru CNN gitangaza ko hafi 53% by’abantu bicwa buri munsi muri Leta zunze Ubumwe za Amerika hakoreshejwe imbunda, kandi umubare w’abirabura niwe uri hejuru kurusha iyindi.

Izi mpfu ntabwo zisiga ibyamamare muri muzika aho nibura buri mwaka hasohoka inkuru ko hapfuye umuraperi wishwe ari ku muhanda cyangwa abamwishe bamusanze mu rugo rwe.

Kuva muri 2018 kugeza uyu munsi, abaraperi b’abirabura barenga 20 bazwi cyangwa bari bamaze gutera intambwe mu ruganda rwa muzika muri iki gihugu, bamaze gupfa barashwe.

Abaraperi 10 bamaze kwicwa barashwe muri Leta zunze Ubumwe za Amerika ari nabo tugiye kugarukaho muri iyi nkuru.

XXX Tentancion

Jahseh Dwayne Ricardo Onfroy wamenyekanye ku izina rya XXX Tentacion yavutse tariki 23 Mutarama 1998, mu mujyi wa Florida muri Leta zunze Ubumwe za Amerika.

Yari umuraperi muto wakunzwe cyane, mu gihe gito yaramaze mu muziki kuva 2013 kugera 2018, yakoze indirimbo zakunzwe nka ‘Infinity’, ‘Bad’, ‘King of the dead’ n’izindi.

Inkuru y’urupfu rwa XXX Tentancion yamenyekanye tariki 18 Kamena 2018, yapfuye ku myaka 20 arashwe mu ijosi, ubwo yari ahagaze hafi y’imodoka ye.

Jimmy Wopo

Travon DaShawn Frank Smart, wamenyekanye ku izina rya Jimmy Wopo yavutse tariki 13 Mutarama 1997 mu mujyi wa Pennsylvania muri Leta zunze Ubumwe za Amerika.

Jimmy Wopo yapfuye tariki 18 Kamena 2018 arashwe, umunsi XXX Tentancion yapfiriyeho, ubwo yari mu modoka na mugenzi we.

Uyu muraperi Jimmy Wopo wari inshuti ya Wiz Khalifa, yapfuye amaze gusinya amasezerano n’inzu itunganya indirimbo yari guhuriramo n’umuraperi Meek Mill.

Yakoranye indirimbo n’abaperi bakomeye harimo ‘Who ya gang’ yakoranye na 21 Savage, ‘Blue Hunnids’ yakoranye na Wiz Khalifa n’izindi.

Smoke Dawg

Jahvante Jahqwane Sheldon Smart wamenyekanye nka Smoke Dwag yavutse tariki 18 Ugushyingo 1996 mu mujyi wa Toronto muri Canada.

Yakoze indirimbo nyinshi zakunzwe harimo ‘Count it up’, ‘Pop A perc’ n’izindi.

Yapfuye arashwe tariki 30 Kamena 2018, ubwo yari avuye mu kabyiniro mu mujyi wa Toronto.

Nipsey Hussle

Airmiess Joseph Asghedom wamenyekanye nka Nipsey Hussle yavutse tariki 15 Kanama 1985 mu mujyi wa California.

Nipsey yamenyekanye cyane nk’umuraperi waharaniye uburenganzira bw’abirabura muri Amerika, yubaka amashuri, ibigo bifasha abatishoboye, n’ibindi.

Nipsey Hussle yakoze indirimbo nyinshi harimo ‘Grinding all my life’, ‘Rap Niggas’, ‘Hussle & Motivate’ n’izindi. Yapfuye arashwe tariki 31 Werurwe 2019 muri California

Pop Smoke

Bashar Barakah Jackson wamenyekanye ku izina rya Pop Smoke, yavutse tariki 20 Nyakanga 1999 mu mujyi wa New York.

Yahoze ari umukinnyi wa Basketball, aza guhagarikwa kubera indwara y’umutima, yinjira mu muziki mu 2018.

Uyu musore yapfuye afite imyaka 21, tariki 19 Gashyantare 2020 ubwo yaraswaga, amaze gusohora album ye ‘Shoot for the star, Aim for the moon’ harimo ‘Dior’, ‘BullDog’, ‘For the night’ n’izindi.

Young Dolph

Adolph Robert Thornton Jr. wamenyekanye nka Young Dolph yavutse tariki 17 Ugushyingo 2021 mu mujyi wa Chicago, muri Leta zunze Ubumwe za Amerika.

Mu 2010, Young Dolph yashinze inzu itunganya umuziki yise ‘Paper route empire’, ahita ashyira hanze indirimbo yise ‘Welcome to Dolph World’ muri uwo mwaka yakoranye n’abaraperi bakomeye nka 2Chainz, 8Ball & MJG.

Young Dolph yapfuye arashwe tariki 17 Ugushyingo 2021 mu mujyi wa Tennesse, ubwo yari agiye guhahira nyirakuru.

Trouble

Mariel Semonte Orr wamenyekanye ku izina Trouble yavutse tariki 4 Ugushyingo 1987 mu mujyi wa Georgia muri Leta zunze Ubumwe za Amerika.

Uyu musore Trouble yakoze indirimbo nyinshi harimo ‘Come Thru’, ‘Kesha Drum’, ‘She A winner’ n’izindi.

Yapfuye arashwe tariki 5 Kamena 2022, mu mujyi wa Georgia muri Leta zunze Ubumwe za Amerika.

JayDaYoungan

Javorius Tykies Scott wamenyekanye nka JayDaYoungan yavutse tariki 15 Nyakanga 1998 mu mujyi wa Louisiana.

JayDaYoungan yamenyekanye ku indirimbo nka ‘Elimination’, ‘23 Island’, ‘Interstate’, n’izindi.

Yapfuye arashwe tariki 27 Nyakanga 2022, ubwo yarari kumwe na Se umubyara, aterwa mu rugo n’abantu batatu bari bafite imbunda.

PnB Rock

Rakim Hasheem Allen wamenyekanye nka PnB Rock, yavutse tariki 9 Ukuboza 1991 mu mujyi wa Pennsylvania, muri Leta zunze Ubumwe za Amerika.

PnB Rock yakoranye n’inzu itunganya umuziki ‘Atlantic Records’ ikorana n’abahanzi batandukanye bakomeye barimo Burna Boy wo muri Nigeria n’abandi.

Yakoze indirimbo zitandukanye harimo ‘Cross Me’ yakoranye na Ed Sheeran na Chance The Rapper, ‘Need Somebody’ n’izindi.

Yishwe arashwe tariki 12 Nzeri 2022, ubwo yari kumwe n’umukunzi we babyaranye umwana, mu mujyi wa Los Angeles.

Take off

Kirsnick Khari Ball wamenyekanye nka Take Off, yavutse tariki 18 Kamena 1994, mu mujyi wa Georgia, muri Leta Zunze Ubumwe za Amerika.

Take Off yamenyakanye mu itsinda rya ‘Migos’ harimo Quavo na Offset, bakunzwe mu ndirimbo nka ‘MotorSport’ bakoranye na Nick Minaj na Cardi B, ‘Bad and Boujee’, ‘Walk it Talk it’ n’izindi.

Uyu muraperi Take Off yapfuye arashwe tariki 1 Ugushyingo 2022, mu mujyi wa Texas, ubwo yari kumwe na mugenzi we Quavo bavuye mu nzu iberamo imikino ya ‘Billiards and Bowling’.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .