Abahanzi bo muri The Mane bakoze indirimbo yo Kwibuka Jenoside yakorewe Abatutsi

Yanditswe na Muvunyi Arsène
Kuya 6 Mata 2019 saa 10:22
Yasuwe :
0 0

Abahanzi bakorera mu nzu ya The Mane Label, bashyize hanze indirimbo yitwa ‘Twibanire Mu Mahoro’ irimo ubutumwa bujyanye no kwibuka Jenoside yakorewe Abatutsi mu 1994.

Harabura umunsi umwe ngo abanyarwanda binjire mu cyumweru cyo kwibuka ku nshuro ya 25 Jenoside yakorewe Abatutsi, kizatangira kuri uyu wa 7 Mata 2019.

Abahanzi Safi Madiba, mubyara we Queen Cha, Marina na Jay Polly bose bari mu nzu y’umuziki ya The Mane, bahuje imbaraga bakora indirimbo bageneye abanyarwanda mu kwibuka inzirakarengane zisaga miliyoni zishwe urw’agashyinyaguro.

Iyi ndirimbo irimo ubutumwa bwo gushishikariza abanyarwanda kubana nk’abavandimwe nta by’amoko kuko ari nayo yatumye habaho Jenoside.

Bijyanye n’insanganyamatsiko y’uyu mwaka; ‘Twibuke Twiyubaka’ n’aba bahanzi bashimangira ko kwigira ku mateka y’ahahise h’u Rwanda bizafasha mu kugera ku iterambere.

Abahanzi bo muri The Mane bifatanyije n'abanyarwanda mu bihe byo Kwibuka ku nshuro ya 25 Jenoside yakorewe Abatutsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza