00:00:00 IGIHE NETWORK KN KINYARWANDA EN ENGLISH FR FRANCAIS

Abagore b’ibyamamare bashatse abasore barusha imyaka myinshi

Yanditswe na Uwase Kevine
Kuya 5 Mutarama 2023 saa 10:33
Yasuwe :

Bisa nk’ibisanzwe kuba umugabo yashaka umugore arusha imyaka myinshi cyangwa umusore kuba yagirana umubano n’umukobwa arusha imyaka, icyakora iyo bihindukiye ku bagore n’abakobwa kuba bagirana umubano n’abagabo cyangwa abasore barusha imyaka, byibazwaho na benshi ndetse bamwe ntibatinye kubigaya.

Muri iki cyinyejana cya 21, umubano w’abagore n’abakobwa bagirana n’abasore barusha imyaka ni ibintu byagaragaye ko ari ibisanzwe, haba mu Rwanda ndetse no hanze yarwo.

Abenshi mu bakobwa n’abagore bafite uyu mubano, bemeza ko abasore barusha imyaka aribo baba banyura, kurusha umubaro bagirana n’ababarusha imyaka cyangwa bayinganya.

Tugiye kugaruka kuri bamwe muri aba bagore n’abagabo b’ibyamamare bashakanye, abagore bafite imyaka myinshi cyane.

Perezida Emmanuel Macron na Brigitte

Brigitte Macron umugore wa Perezida w’u Bufaransa Emmanuel Macron, bashakanye mu 2007, umugore arusha umugabo imyaka 24.

Perezida Emmanuel Macron ufite imyaka 45, yakuze akunda uyu mugore w’imyaka 69 kuko bamenyanye afite imyaka 15 ubwo yamwigishaga mu mashuri yisumbuye.

Brigitte amaze gutandukana n’umugabo we wa mbere babyaranye abana batatu mu 2006, yahise atangira umubano weruye na Emmanuel Macron wabaye Perezida wa France kuva mu 2017.

Brigitte Macron afite umuhungu mukuru urusha imyaka itatu Perezida Emmanuel Macron. Nta mwana Brigitte arabyarana na Macron mu myaka myaka 16 bamaranye.

Priyanka Chopra na Nick Jonas

Umukinnyi wa filime ukomoka mu Buhinde akaba n’umuhanzikazi Priyanka Chopra, yashakanye na Nick Jonas ukomoka muri Leta zunze Ubumwe za Amerika nawe w’umuririmbyi, mu 2018. Umugore yarushaga umugabo imyaka icumi.

Umubano wa Priyanka ufite imyaka 40 na Nick ufite imyaka 30 wagiye hanze muri 2017, ubwo bari kumwe mu birori byo gutanga ibihembo bizwi nka ‘Met Gala’. Kuva icyo gihe umubano wibasiwe n’abafana babo bababwira ko bidakwiye ko babana kubera imyaka Priyanka Chopra arusha Nick Jonas.

Priyanka Chopra ufite ikamba rya Miss w’u Buhinde ryo mu 2000, yigobotoye abamuteraga amabuye ku mbuga nkonyambaga ku mubano we n’umugabo we, avuga ko badakwiye kubitindaho nkuko batabitindaho abaye ariwe Nick Jonas arusha iyo myaka.

Lisa Bonet na Jason Momoa

Jason Momoa wakinnye muri filime yakunzwe cyane yise ‘Aquaman’, yashakanye n’umugore witwa Lisa Bonet na we w’umukinnyi wa filime, umurusha imyaka 12 mu 2007.

Jason Momoa ufite imyaka 43 n’uyu mugore Lisa Bonete ufite imyaka 55, umubano wabo watangiye muri 2005 nyuma y’uko atandukanye n’umugabo we bamaranye imyaka itandatu.

Umubano wa Jason n’uyu mugore babyaranye abana babiri waje kuzamo agatotsi, kuko mu 2022 batandukanye.

Kris Jenner na Corey Gamble

Kris Jenner w’imyaka 67, nyina w’abakobwa bitwa ‘The Kardashians’ bazwiho kuba bafite inzu zikora imyenda, amavuta n’ibirungo by’ubwiza, ndetse no kuba bakurikiranywa cyane ku mbuga nkoranyambaga, ari mu mubano n’umusore arusha imyaka 29.

Nyuma y’uko umugabo wa kabiri wa Kris Jenner ahinduje ubugabo bwe nawe agahinduka umugore, yisunze uyu musore Corey Gamble w’imyaka 42.

Kris Jenner yakundanye na Corey Gamble mu 2014 kugeza uyu munsi. Bivugwa ko umukobwa mukuru w’uyu mugore Kourtney Kardashian aruta Corey mu myaka, ndetse angana na Kim Kardashian.

Britney Spears

Umuhanzikazi Britney Spears wamenyekanye cyane mu 1990, yashakanye n’umusore witwa Sam Asghari arusha imyaka 12, muri 2022.

Uyu muhanzikazi w’imyaka 41 wakunzwe cyane mu ndirimbo nka ‘Gimme More’, ‘Hold me closer’ n’izindi, yakundanye n’uyu musore w’imyaka 29 kuva mu 2017.

Madonna na Ahlamalik Williams

Umuhanzikazi Madonna Louise Ciccone wamamaye mu muziki nka Madonna w’imyaka 64, aherutse gutandukana n’umusore bari bamaze imyaka hafi ine mu rukundo nyamara amurusha imyaka 36.

Mu 2020 nibwo Madonna yagaragaje iby’urukundo rwe na Ahlamalik Williams wari ufite imyaka 25 mu ntangiro z’uyu mwaka ubwo bajyanaga mu biruhuko mu kirwa cya Maldives giherereye muri Asia mu Nyanja y’Abahinde.

Mu Ukuboza 2019 Ahlamalik Williams yasanze Madonna muri Miami ndetse baza gufotorwa bari gufata akayaga kuri Hotel bari bari kuruhukiramo.

Ahlamalik Williams asanzwe ari umuhanzi wunganira abandi ku rubyiniro[Back up singer] akaba n’umubyinnyi afite inkomoko muri Amerika muri Leta ya California.

Madonna ni umwe mu bahanzikazi bakomeye ku Isi. Uyu Munyamerikakazi yamamaye cyane nk’umwamikazi wa Pop’. Yavutse mu 1958 muri Leta ya Michigan muri Amerika, mu 1978 aza kuhava ajya kuba muri New York aho yakoraga umwuga wo kubyina.

Nyuma yaje kuba uvuza ingoma, acuranga guitar n’umuririmbyi muri Breakfast Club Band. Mu 1982 yasinye amasezerano muri Sire Records, umwaka wakurikiyeho ahita ashyira hanze album, atangira kwamamara atyo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .