Ibihe by’ingenzi by’urugendo Mister & Miss Elegancy Rwanda baherutse kugirira muri Kenya (Amafoto)

Yanditswe na Uwiduhaye Theos
Kuya 27 Ugushyingo 2018 saa 01:34
Yasuwe :
0 0

Umukobwa n’umusore barusha abandi ubushongore mu Rwanda muri uyu mwaka, baherutse kugirira urugendo rw’iminsi itatu muri Kenya aho bari bagiye gutembera no kunguka ubumenyi mu buryo butandukanye.

Aba bombi [Nshongore Niyirora Divic na Mukangwije Rosine] bavuye mu Rwanda ku wa 21 Ugushyingo berekeje i Mombasa mu rugendo rw’iminsi bahagiriye bagamije kuruhuka mu mutwe no kureba bimwe mu bitatse iki gihugu.

Babanje gusura ahitwa ‘Fort Jesus’ aho ubwigenge bwa Mombasa bwahereye, Abarabu barwana n‘abanya-Portugal; aha harimo intwaro zitandukanye nk’imbunda n’izindi.

Bakurikijeho gusura kaminuza ya Mount Kenya ishami rya Mombasa umunsi wakurikiyeho bajya gusura icyambu cya Mombasa ndetse banahura Dr. Maina Atanas uyiyobora.

Bagaruka mu Rwanda kuri uyu wa Gatandatu akanyamuneza ari kose.

Mu kiganiro yagiranye na IGIHE Niyirora Nshongore Divic yavuze ko uru rugendo rwabigishije byinshi.

Miss & Mr Elegancy Rwanda 2018 bambitswe ikamba mu birori by’akataraboneka byabaye ku wa 8 Nzeri 2018 Kigali Marriott Hotel.

Icyo gihe basezeranyijwe ibihembo birimo itike y’indege yo kujya gutembera i Mombasa, kumara umwaka bahabwa ibikoresho by’isuku bya Sulfo, telefoni ya Tecno Sparks n’ibindi.

By’umwihariko Mr Elegancy we azanaserukira u Rwanda mu irushanwa rya Mister Africa International rizaba mu mpera z’uyu mwaka.

Bari imbere ya Mount Kenya
Kuri Hotel aho babaga hazwi nka Nyali Sun Africa Beach Hotel
Aha bari kumwe n'Umuyobozi wa Royal Fm [iburyo], Dr Maina uyobora ikigo gishinzwe ibyambu muri Kenya n'umuvugizi we ibumoso
Kuri nzu ndangamurage ya Fort Jesus
Bari kugasongero k'inyubako ya Mount Kenya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .